സിഡികളുടേയും- ഡിവിഡികളുടേയും ലോകം

സിഡികളുടേയും- ഡിവിഡികളുടേയും ലോകം ഗ്രാമഫോണ് റെക്കോര്ഡറുകളെ വിസ്മൃതിയിലാക്കിയാണ് ഓഡിയോ കാസറ്റുകള് അരങ്ങത്തെത്തിയത്. ദശാബ്ദങ്ങളോളം അരങ്ങ് വാണ ഓഡിയോ കാസറ്റുകളും അതിനൊപ്പം ഇറങ്ങിയ വീഡിയോ കാസറ്റുകളും അല്പകാലം മുന്പ് വരെ നമ്മുടെ വിനോദോപാധികളിലെ പ്രധാനിയായിരുന്നു. ഗ്രാമഫോണ് റെക്കോര്ഡുകളെ പിന്തള്ളി കാസറ്റുകള് വന്നതിലും വേഗതയിലാണ് സിഡിയും ഡിവിഡിയും കാസറ്റുകളെ പിന്തള്ളി നമുക്കരികിലെത്തിയത്. ആദ്യകാലത്ത് മഴവില് വര്ണ്ണങ്ങള് വാരിവിതറുന്ന സിഡികള് വലിയ കൌതുകമായിരുന്നു ജനിപ്പിച്ചിരുന്നത്. ഇന്നും ആ കൗതുകത്തിന് വലിയ ഇടിവ് സംഭവിച്ചിട്ടില്ല. രസകരമാണ് സിഡിയുടേയും ഡിവിഡികളുടേയും കഥകള്. സോണി കമ്പനിയും ഫിലിപ്സ് കമ്പനിയും ആണ് സിഡിയുടെ കണ്ടെത്തലിന് സഹായകരമായ ഗവേഷണങ്ങള് ആദ്യം നടത്തിയത്. 1976 ല് സോണി ഇറക്കിയ ഒപ്റ്റിക്കല് ഡിജിറ്റല് ഓഡിയോ ഡിസ്ക് ആണ് സിഡിയുടെ ആദ്യ കൊമേഴ്സ്യല് രൂപം. എന്നിരുന്നാലും 1982 മുതല്ക്കാണ് കോംപാക്റ്റ് ഡിസ്ക് എന്നറിയപ്പെടുന്ന സിഡികള് വ്യാപകമായത്. ആദ്യകാലത്ത് മികച്ച നിലവാരത്തില് സംഗീതം സൂക്ഷിക്കാനായുള്ള ഉപാധിയായി മാത്രമാണ് സിഡികള് ഉപയോഗിച്ചിരുന്നത്.എന്നാല് ഇന്ന് ഏതുതരത