N-SCIENCE

ഭൂമിയെ ചുറ്റുന്ന ഭൂസ്ഥിര ഉപഗ്രഹങ്ങളെക്കാൾ അടുത്തുകൂടി ഒരു കുഞ്ഞു ഛിന്നഗ്രഹം നാളെ കടന്നുപോവും. വെറും 27000കിലോമീറ്റർ മാത്രം അകലെക്കൂടി. അഞ്ചു മുതൽ പത്തു മീറ്റർവരെ മാത്രം വലിപ്പമേ ഈ പാറക്കല്ലിന് ഉള്ളൂ. ഈ വലിപ്പത്തിലുള്ള പാറക്കല്ല് ഭൂമിയുടെ അന്തരീക്ഷത്തിൽ പ്രവേശിച്ചാൽപ്പോലും കത്തിത്തീരാനാണ് സാധ്യത കൂടുതൽ. അതിനാൽ ഒട്ടും പേടിക്കാനില്ല.  2020SW എന്നാണ് ഈ പാറക്കല്ലിന്റെ പേര്. ഒന്നോ രണ്ടോ വർഷം കൂടുമ്പോഴൊക്കെ ഏതാണ്ട് ഇത്രയും ഒക്കെ വലിപ്പമുള്ള കുഞ്ഞ് ആസ്ട്രയോഡികൾ ഭൂമിക്കരികിലൂടെ കടന്നുപോകാറുണ്ട്. ചിലതെല്ലാം അന്തരീക്ഷത്തിൽ കടന്ന് ചൂടുമൂലം പല ചെറു കഷണങ്ങളായി മാറി കത്തിത്തീരും.  ഭൂമിയോട് ഏറെ അടുത്തെത്തിയ ശേഷമാണ് 2020SW എന്ന ഈ അതിഥിയെ നാം കണ്ടെത്തുന്നത്. കഴിഞ്ഞ വെള്ളിയാഴ്ച, അതായത് സെപ്തംബർ 18ന്.  സെപ്തംബർ 24ന് വൈകിട്ട് നാലേ മുക്കാലോടുകൂടിയാവും ഈ ഛിന്നഗ്രഹം ഭൂമിയോട് ഏറ്റവും അടുത്തുവരിക. തെക്കുകിഴക്കേ പസഫിക് സമുദ്രത്തിനു മുകളിലൂടെയാവും കടന്നുപോവുക.  2020SWന്റെ പാതയെക്കുറിച്ച് പഠിച്ചതോടെ ഒരു കാര്യം ഉറപ്പായിട്ടുണ്ട്. 2041വരെ ഇനി ഇത് ഭൂമിയുടെ അടുത്തെങ്ങും എത്തില്ല.  ഇത്രയും വലിപ്പ...

ബെന്നു എന്ന ഛിന്നഗ്രഹത്തിൽ വെസ്റ്റ എന്ന ഛിന്നഗ്രഹത്തിൽനിന്നുള്ള കല്ലുകൾ കണ്ടെത്തി! ഒരു കുഞ്ഞു ഛിന്നഗ്രഹമാണ് ബെന്നു. അര കിലോമീറ്ററോളം മാത്രം വലിപ്പം. 150 വർഷങ്ങൾക്കുശേഷം ഇത് ഭൂമിയിൽ ഇടിക്കാനും സാധ്യതയുണ്ട്.  500കിലോമീറ്ററോളം വലിപ്പമുള്ള ഛിന്നഗ്രഹമാണ് വെസ്റ്റ. ചൊവ്വയ്ക്കും വ്യാഴത്തിനും ഇടയിലുള്ള ആസ്ട്രോയിഡ് ബെൽറ്റിലെ അംഗം. രണ്ടു ഛിന്നഗ്രഹങ്ങളെക്കുറിച്ചു പഠിക്കാനും നമ്മൾ പേടകങ്ങൾ അയച്ചിട്ടുണ്ട്. അതിൽ ഒസിരിസ്-റെക്സ് എന്ന പേടകം ഇപ്പോഴും ബെന്നുവിനു ചുറ്റും കറങ്ങിക്കൊണ്ടിരിക്കുകയാണ്. ബെന്നുവിൽനിന്ന് കല്ലും മണ്ണം ശേഖരിക്കണം. എന്നിട്ട് ഭൂമിയിലേക്ക് തിരിച്ചുവരണം. അതാണ് പേടകത്തിന്റെ ലക്ഷ്യം. പിറക്സീൻ എന്ന ധാതു ഉള്ള കല്ലുകൾ വെളുത്തനിറത്തിൽ. ചിത്രത്തിനു കടപ്പാട്: NASA/Goddard/University of Arizona ബെന്നുവിന്റെ ഇഷ്ടംപോലെ ഫോട്ടോകൾ ഒസിരിസ്-റെക്സ് പകർത്തുന്നുണ്ട്. ഇങ്ങനെ കഴിഞ്ഞ വർഷം പകർത്തിയ ഫോട്ടോയിൽ ചില അസ്വഭാവികതകൾ ഗവേഷകർ കണ്ടെത്തിയിരുന്നു. ഉപരിതലത്തിലെ ചില കല്ലുകൾക്കു മാത്രം വളരെയധികം തിളക്കം. പശ്ചാത്തലത്തിലെ കല്ലുകളിൽനിന്ന് പത്ത് ഇരട്ടിയോളം തിളക്കം!  ശാസ്ത്രജ്ഞർ വെറുതെയിരുന്നില്ല. ഒരിസിക്...

ശുക്രൻ കടപ്പാട്: JAXA/ISAS/Akatsuki Project Team സൗരയൂഥത്തിൽ ഒരു നരകമുണ്ടെങ്കില്‍ അത് ശുക്രനിലാണ് എന്നൊരു ചൊല്ലുണ്ട്. അത്രയും ചൂടാണവിടെ. 400ഡിഗ്രി സെല്‍ഷ്യസിനു മുകളില്‍ ചൂട്. ജീവൻ നിലനിൽക്കാൻ ഒരു സാധ്യതയും ഇല്ലാത്ത ഒരിടം. പക്ഷേ അവിടെയും ജീവനുണ്ടാകാം എന്നു പ്രഖ്യാപിച്ചിരിക്കുന്നു നമ്മുടെ ശാസ്ത്രജ്ഞര്‍!  ഭൂമിയിൽ സൂക്ഷ്മജീവികൾ ഉണ്ടാക്കന്ന ഒരു വാതകമുണ്ട്. ഫോസ്ഫൈൻ എന്നു പറയും. ഒരു ഫോസ്ഫറസ് ആറ്റവും മൂന്ന് ഹൈഡ്രജൻ ആറ്റവും ചേര്‍ന്ന ഒരു വാതകം. ഈ വാതകത്തെയാണ് ശുക്രന്റെ അന്തരീക്ഷത്തില്‍ കണ്ടെത്തിയിരിക്കുന്നത്. ഫോസ്ഫൈൻ ഉണ്ടെങ്കില്‍ അതിനു കാരണം ഏതെങ്കിലും തരത്തിലുള്ള സൂക്ഷ്മജീവികൾ ആവാൻ സാധ്യതയില്ലായ്കയില്ല! ഭൂമിയിൽ പരീക്ഷണശാലകളെ മാറ്റിനിർത്തിയാൽ ജീവികളാണ് ഫോസ്ഫൈൻ ഉത്പാദിപ്പിക്കുന്നത്.  ശുക്രാന്തരീക്ഷത്തിലെ മുകൾപാളികളിലാണ് ഫോസ്ഫേന്‍ കണ്ടെത്തിയിട്ടുള്ളത്. അതും വളരെക്കുറഞ്ഞ (നൂറുകോടിയിൽ ഇരുപത് എന്ന നിലയിൽ)  തോതിലും . അന്തരീക്ഷത്തിന്റെ മുകൾപാളികളിൽ വസിക്കുന്ന ഏതെങ്കിലും തരത്തിലുള്ള സൂക്ഷ്മജീവികളാണോ ഇതിനു കാരണം എന്നാണ് സന്ദേഹം! ഫോസ്ഫൈൻ തന്മാത്ര. കടപ്പാട്: ESO/M.Kornmesser/L.Calcada/Nasa ജീ...