ബെന്നു എന്ന ഛിന്നഗ്രഹത്തിൽ വെസ്റ്റ എന്ന ഛിന്നഗ്രഹത്തിൽനിന്നുള്ള കല്ലുകൾ കണ്ടെത്തി!

-

ബെന്നു എന്ന ഛിന്നഗ്രഹത്തിൽ വെസ്റ്റ എന്ന ഛിന്നഗ്രഹത്തിൽനിന്നുള്ള കല്ലുകൾ കണ്ടെത്തി!

ഒരു കുഞ്ഞു ഛിന്നഗ്രഹമാണ് ബെന്നു. അര കിലോമീറ്ററോളം മാത്രം വലിപ്പം. 150 വർഷങ്ങൾക്കുശേഷം ഇത് ഭൂമിയിൽ ഇടിക്കാനും സാധ്യതയുണ്ട്.  500കിലോമീറ്ററോളം വലിപ്പമുള്ള ഛിന്നഗ്രഹമാണ് വെസ്റ്റ. ചൊവ്വയ്ക്കും വ്യാഴത്തിനും ഇടയിലുള്ള ആസ്ട്രോയിഡ് ബെൽറ്റിലെ അംഗം. രണ്ടു ഛിന്നഗ്രഹങ്ങളെക്കുറിച്ചു പഠിക്കാനും നമ്മൾ പേടകങ്ങൾ അയച്ചിട്ടുണ്ട്. അതിൽ ഒസിരിസ്-റെക്സ് എന്ന പേടകം ഇപ്പോഴും ബെന്നുവിനു ചുറ്റും കറങ്ങിക്കൊണ്ടിരിക്കുകയാണ്. ബെന്നുവിൽനിന്ന് കല്ലും മണ്ണം ശേഖരിക്കണം. എന്നിട്ട് ഭൂമിയിലേക്ക് തിരിച്ചുവരണം. അതാണ് പേടകത്തിന്റെ ലക്ഷ്യം.

പിറക്സീൻ എന്ന ധാതു ഉള്ള കല്ലുകൾ വെളുത്തനിറത്തിൽ.
ചിത്രത്തിനു കടപ്പാട്: NASA/Goddard/University of Arizona

ബെന്നുവിന്റെ ഇഷ്ടംപോലെ ഫോട്ടോകൾ ഒസിരിസ്-റെക്സ് പകർത്തുന്നുണ്ട്. ഇങ്ങനെ കഴിഞ്ഞ വർഷം പകർത്തിയ ഫോട്ടോയിൽ ചില അസ്വഭാവികതകൾ ഗവേഷകർ കണ്ടെത്തിയിരുന്നു. ഉപരിതലത്തിലെ ചില കല്ലുകൾക്കു മാത്രം വളരെയധികം തിളക്കം. പശ്ചാത്തലത്തിലെ കല്ലുകളിൽനിന്ന് പത്ത് ഇരട്ടിയോളം തിളക്കം! 

ശാസ്ത്രജ്ഞർ വെറുതെയിരുന്നില്ല. ഒരിസിക്സ്-റെക്സിലെ സ്പെക്ട്രോമീറ്ററുകൾ ഉപയോഗിച്ച് ഈ കല്ലുകളെ പഠിച്ചു. പിറക്സീൻ എന്ന ധാതുവാണ് ഈ കല്ലിലുള്ളത്. ഇത് ഇത്തരം ചെറുഛിന്നഗ്രഹങ്ങളിൽ കാണേണ്ടവയല്ല. വളരെ ഉയർന്ന ചൂടിൽ പാറക്കല്ലുകൾ ഉരുകിയാണ് ഇവ ഉണ്ടാവുക. അത്തരമൊരു സാധ്യത എന്തായാലും ബന്നുവിൽ ഇല്ല. പിന്നെയൊരു സാധ്യത മറ്റെന്തെങ്കിലും വന്നിടിച്ച് വളരെ ഉയർന്ന താപനില ഉണ്ടാവണം. പക്ഷേ അത്രയും ഉയർന്ന താപനില ഉണ്ടാവാനുള്ള കൂട്ടിയിടി ആണേൽ ബെന്നു തകർന്നുപോവും. അതിനാൽ ആ സാധ്യതയും ഇല്ല! 

വെസ്റ്റ എന്ന ഛിന്നഗ്രഹത്തിൽ ഇത്തരം ധാതുക്കൾ ഇഷ്ടംപോലെയുണ്ട്. 500കിലോമീറ്ററോളം വലിപ്പമുള്ള ഈ ഛിന്നഗ്രഹത്തിന്റെ രൂപീകരണസമയത്തോ മറ്റെന്തെങ്കിലും വന്ന് ഇടിച്ചോ പിറക്സീൻ ഉണ്ടാവാം. ഇനിയെങ്ങാനും വെസ്റ്റയിൽ ഉള്ള പിറക്സീൻ ബെന്നുവിൽ എത്തിയതാണോ? അങ്ങനെയായി ഗവേഷകരുടെ ചിന്ത! വെസ്റ്റോയിഡ്സ് എന്ന ചെറു പാറക്കല്ലുകൾ ഉണ്ട്. വെസ്റ്റയിൽ മറ്റേതെങ്കിലും പാറക്കല്ലുകൾ വന്ന് ഇടിക്കുമ്പോൾ അതിൽനിന്ന് തെറിച്ചുപോകുന്ന പാറക്കല്ലുകൾ. അവയിൽ പിറോക്സീൻ കാണാം. ഇങ്ങനെയുള്ള വെസ്റ്റോയിഡുകളിൽ ചിലത് ബെന്നുവിൽ എത്താനുള്ള സാധ്യതയാണ് ഗവേഷകർ കണ്ടെത്തിയിരിക്കുന്നത്. ഛിന്നഗ്രഹങ്ങളുടെ ഓർബിറ്റിന് അത്ര സ്ഥിരതയൊന്നുമില്ല. മറ്റു ഗ്രഹങ്ങളുടെയും ഛിന്നഗ്രഹങ്ങൾ തമ്മിൽ തമ്മിലും ഉള്ള ഗുരുത്വാകർഷണം മൂലം ഓർബിറ്റിന് ചെറിയ വ്യത്യാസമൊക്കെ വരാം. അങ്ങനെയെന്തെങ്കിലും സംഭവിച്ച് പിറോക്സീൻ ബെന്നുവിൽ എത്തിയതാവണം. 

നേച്ചർ ആസ്ട്രോണമി ജേണലിൽ (21/09/2020) പ്രസിദ്ധീകരിച്ച പ്രബന്ധത്തിലാണ് ഈ സാധ്യതയെക്കുറിച്ചു പറഞ്ഞിരിക്കുന്നത്. https://www.nature.com/articles/s41550-020-1195-z


പോസ്റ്റ് ലിങ്ക്: https://www.nscience.in/2020/09/osiris-rex-asteroid-bennu-vesta.html

Comments

Post a Comment

Popular posts from this blog

എങ്ങനെ നിങ്ങൾക്കും ചൊവ്വയിലിറങ്ങി ഫോട്ടോയെടുക്കാം. ഇതാ അവസരം!

-
Image
ചൊവ്വയിലേക്ക് പെർസിവയരൻസ് എന്ന വാഹനം പോകുന്നത് അടുത്ത മാസമാണ്. പിന്നെയും മാസങ്ങൾ കഴിഞ്ഞ് അടുത്ത വർഷമേ അത് ചൊവ്വയിലെത്തൂ. പക്ഷേ നമുക്ക് ചൊവ്വയിലേക്ക് ഇപ്പോൾത്തന്നെ പോവാൻ നാസ അവസരമൊരുക്കിയിരിക്കുകയാണ്. ചൊവ്വയുടെ മണ്ണിൽ കാൽകുത്താനുള്ള മനുഷ്യരുടെ ത്വരയെ നാസയ്ക്കു കാണാതിരിക്കാനാവില്ലല്ലോ. ചൊവ്വയിൽപ്പോവാൻ പേടിയുള്ളവർക്ക് ചൊവ്വയിലേക്കുള്ള വിക്ഷേപണം കാണാനും ഒബ്സർവേഷൻ സെന്ററിൽ ഇരുന്ന് വിക്ഷേപണത്തെ നിയന്ത്രിക്കാനും ഒക്കെ അവസരമുണ്ട്. കൊറോണ ആയതിനാൽ ആകെക്കൂടി ചെയ്യേണ്ടത് വീട്ടിലിരിക്കുക. എന്നിട്ട് നെറ്റിൽക്കയറി ദാ ഈ സൈറ്റ് തുറക്കുക. https://mars.nasa.gov/mars2020/participate/photo-booth/ അവിടെ നിങ്ങളുടെ ഫോട്ടോ അപ്‍ലോഡ് ചെയ്യുക. ഇഷ്ടമുള്ള പശ്ചാത്തലം തിരഞ്ഞെടുക്കുക. പെർസിവിയറൻസ് ചൊവ്വയിൽ എത്തുന്നതിനു മുന്നേതന്നെ അതിനൊപ്പം ഫോട്ടോയെടുക്കാൻ അവസരമൊരുങ്ങും! ങ്ങാ, പിന്നെ ഒരു കാര്യം കൂടി. പെർസിവിയറൻസിലേറി ചൊവ്വയിലെത്തുന്നത് ഒരു കോടി മനുഷ്യരുടെ പേരുകളും പേറിയാണ്. എല്ലാവരുടെ പേരും കൊത്തിയ ചെറിയ ചിപ്പുകൾ ഈ പേടകത്തിൽ ഉണ്ട്. അന്ന് അയയ്ക്കാൻ വിട്ടുപോയവർക്ക് 2026ലെ പേടകത്തിൽ വീണ്ടും ചൊവ്വയിലെത്താം. ആ ടിക്കറ്റി
Read more

ഇതാണു മക്കളേ ശുക്രന്റെ ഫോട്ടോ! ആറു മണിക്കൂര്‍ ക്യാമറ തുറന്നുവച്ച് എടുത്ത ഫോട്ടോ!

-
Image
ചിത്രത്തിനു കടപ്പാട്: NASA/MPE/K.Dennerl et al. ഈ ചിത്രം എന്താണെന്നറിയാമോ? ഇതാണു ശുക്രന്‍ എന്ന ഗ്രഹം! ങേ? ഞെട്ടിയോ? നാം ഇതുവരെ കണ്ട ശുക്രന്‍ ഇങ്ങനെയല്ലായിരുന്നല്ലോ എന്നാവും ചിന്ത! ശരിയാണ് നാം ഇതുവരെ കണ്ടിട്ടുള്ള ശുക്രന്റെ ചിത്രം ഇങ്ങനെയേ അല്ല! പക്ഷേ ഇതും ശുക്രന്റെ ചിത്രമാണ്. ആറ് മണിക്കൂര്‍ ക്യാമറയും തുറന്നുവച്ച് കഷ്ടപ്പെട്ട് എടുത്ത ചിത്രം! ബഹിരാകാശത്ത് നാസ സ്ഥാപിച്ചിട്ടുള്ള ചന്ദ്ര എക്സ്-റേ ഒബ്സര്‍വേറ്ററി എടുത്ത ചിത്രമാണിത്. എക്സ്-റേയെ മാത്രം കാണാന്‍ കഴിയുന്ന ഒരു ടെലിസ്കോപ്പാണ് ചന്ദ്ര-എക്സ്-റേ ഒബ്സര്‍വേറ്ററി. ഈ ടെലിസ്കോപ്പ് 2001 ജനുവരി 10, 13 തീയതികളില്‍ ശുക്രനെ നിരീക്ഷിച്ച് എടുത്ത ചിത്രമാണ് കുറെ ചെറിയ കുത്തു കുത്തുകള്‍ മാത്രമായി ഇപ്പോള്‍ കണ്ടത്. അതെന്താ അങ്ങനെ എന്നല്ലേ? സംഗതി ലളിതമാണ്. ശുക്രനില്‍നിന്നു വരുന്ന എക്സ്-റേ രശ്മികളെ മാത്രം ഉപയോഗിച്ചാണ് ഈ ഫോട്ടോ ഉണ്ടാക്കിയിരിക്കുന്നത്. ശുക്രനില്‍നിന്നും വരുന്ന എക്സ് രശ്മികളുടെ അളവ് വളരെ വളരെ കുറവും ആണ്. അതാണ് ആറു മണിക്കൂര്‍ ക്യാമറ തുറന്നുവച്ച് ഫോട്ടോയെടുത്തിട്ടും ഇത്രയും അപൂര്‍ണ്ണമെന്നു തോന്നിയ ഒരു ചിത്രം കിട്ടിയത്.
Read more

പൊടിക്കാറ്റ് - ഇൻസൈറ്റ് പ്രവർത്തനം അവസാനിപ്പിക്കുന്നു

-
Image
നാലുവർഷം നീണ്ട ഒറ്റ നിൽപ്പ്. നിന്ന നിൽപ്പിൽ ചെയ്തുകൂട്ടിയ പരാക്രമങ്ങൾ. എടുത്ത ഫോട്ടോകൾ. കേട്ടറിഞ്ഞ കുലുക്കങ്ങൾ... അങ്ങനെ ഒത്തിരിയുണ്ട് ഇൻസൈറ്റിനു പറയാൻ. പക്ഷേ നാലു വർഷത്തെ ഈ ദൗത്യത്തിന് അവസാനമാകുകയാണ്. ഇനിയൊരിക്കലും കണ്ണുതുറക്കാൻ കഴിയാത്തവിധം ഇൻസൈറ്റിലെ ഊർജ്ജോത്പാദനം നിലയ്ക്കുകയാണ്. 2018 നവംബറിലാണ് ഇൻസൈറ്റ് പേടകം ചൊവ്വയിലെത്തുന്നത്. Interior Exploration using Seismic Investigations, Geodesy and Heat Transport എന്നായിരുന്നു ഇദ്ദേഹത്തിന്റെ മുഴുവൻ പേര്. ചൊവ്വയും ഭൂമിയും ചന്ദ്രനുമെല്ലാം രൂപപ്പെട്ടത് ഏതാണ്ട് ഒരേ കാലയളവിൽ ആണെന്നാണ് കരുതുന്നത്. എന്നാൽ കാലാന്തരത്തിൽ ഇവരുടെ പരിണാമം വ്യത്യസ്തമായിരുന്നു. ഓരോ ഗോളവും വ്യത്യസ്തരീതിയിലായിരുന്നു സ്വന്തം ഉള്ളും അന്തരീക്ഷവും മാറ്റിക്കൊണ്ടിരുന്നത്. ഒരേ കാലഘട്ടത്തിൽ രൂപപ്പെട്ടിട്ടും എന്തുകൊണ്ടാണ് വ്യത്യസ്തരീതികളിൽ പരിണമിച്ചത് എന്ന ചോദ്യത്തിന് ഉത്തരം തേടിയാണ് ഇൻസൈറ്റ് ചൊവ്വയിലെത്തിയത്. അതിനായി ചൊവ്വയുടെ ഉള്ളിനെക്കുറിച്ച് ആഴത്തിൽ പഠിക്കണം. ഭൂകമ്പത്തിനു സമാനമായി ചൊവ്വയിലുണ്ടാകുന്ന കുലുക്കങ്ങളെക്കുറിച്ചു പഠിക്കണം. ചൊവ്വയുടെ ഉൾക്കാമ്പ്, മാന്റിൽ, പുറംപാളി എന്ന
Read more