ശുക്രനിൽ ഫോസ്ഫൈൻ. അവിടെ ജീവൻ നിലനിൽക്കുന്നതിന്റെ സാധ്യതയാണോ ഈ കണ്ടെത്തൽ? Life on Venus Phosphine

-
ശുക്രനിലെ മേഘപാളികൾ
ശുക്രൻ
കടപ്പാട്: JAXA/ISAS/Akatsuki Project Team

സൗരയൂഥത്തിൽ ഒരു നരകമുണ്ടെങ്കില്‍ അത് ശുക്രനിലാണ് എന്നൊരു ചൊല്ലുണ്ട്. അത്രയും ചൂടാണവിടെ. 400ഡിഗ്രി സെല്‍ഷ്യസിനു മുകളില്‍ ചൂട്. ജീവൻ നിലനിൽക്കാൻ ഒരു സാധ്യതയും ഇല്ലാത്ത ഒരിടം. പക്ഷേ അവിടെയും ജീവനുണ്ടാകാം എന്നു പ്രഖ്യാപിച്ചിരിക്കുന്നു നമ്മുടെ ശാസ്ത്രജ്ഞര്‍! 

ഭൂമിയിൽ സൂക്ഷ്മജീവികൾ ഉണ്ടാക്കന്ന ഒരു വാതകമുണ്ട്. ഫോസ്ഫൈൻ എന്നു പറയും. ഒരു ഫോസ്ഫറസ് ആറ്റവും മൂന്ന് ഹൈഡ്രജൻ ആറ്റവും ചേര്‍ന്ന ഒരു വാതകം. ഈ വാതകത്തെയാണ് ശുക്രന്റെ അന്തരീക്ഷത്തില്‍ കണ്ടെത്തിയിരിക്കുന്നത്. ഫോസ്ഫൈൻ ഉണ്ടെങ്കില്‍ അതിനു കാരണം ഏതെങ്കിലും തരത്തിലുള്ള സൂക്ഷ്മജീവികൾ ആവാൻ സാധ്യതയില്ലായ്കയില്ല! ഭൂമിയിൽ പരീക്ഷണശാലകളെ മാറ്റിനിർത്തിയാൽ ജീവികളാണ് ഫോസ്ഫൈൻ ഉത്പാദിപ്പിക്കുന്നത്.  ശുക്രാന്തരീക്ഷത്തിലെ മുകൾപാളികളിലാണ് ഫോസ്ഫേന്‍ കണ്ടെത്തിയിട്ടുള്ളത്. അതും വളരെക്കുറഞ്ഞ (നൂറുകോടിയിൽ ഇരുപത് എന്ന നിലയിൽ)  തോതിലും . അന്തരീക്ഷത്തിന്റെ മുകൾപാളികളിൽ വസിക്കുന്ന ഏതെങ്കിലും തരത്തിലുള്ള സൂക്ഷ്മജീവികളാണോ ഇതിനു കാരണം എന്നാണ് സന്ദേഹം!

ഫോസ്ഫൈൻ തന്മാത്രയുടെ ചിത്രം
ഫോസ്ഫൈൻ തന്മാത്ര.
കടപ്പാട്: ESO/M.Kornmesser/L.Calcada/Nasa

ജീവന്‍ നിലനില്‍ക്കാൻ ഒട്ടും സാധ്യതയില്ല എന്നു കരുതുന്നിടത്തുപോലും ജീവന്‍ അന്വേഷിക്കുന്നവരാണ് ആസ്ട്രോബയോളജിസ്റ്റുകൾ! ജീവനുണ്ടാകാൻ എന്തെങ്കിലും വിദൂരസാധ്യത കണ്ടാല്‍ ഉടൻ അതിന്റെ പുറകേ പോവും അവർ. അതിനാൽ ശുക്രനിൽ ഫോസ്ഫൈൻ കണ്ടെത്തിയതിന്റെ പുറകെയാവും ഇനി കുറെക്കാലം അവ‍ർ.



ഹവായിയിലെ ജയിംസ് ക്ലാർക്ക് മാക്സ്‍വെല്‍ ടെലിസ്കോപ്പ്, ചിലിയിലെ അറ്റക്കാമ ലാർജ് മില്ലമീറ്റർ അറേ ടെലിസ്കോപ്പ് എന്നിവ ഉപയോഗിച്ചാണ് ഫോസ്ഫൈൻ സാന്നിദ്ധ്യം കണ്ടെത്തിയതും സ്ഥീരീകരിച്ചതും. നേച്ചർ ആസ്ട്രോണമി മാസികയിൽ ആണ് പഠനം പ്രസിദ്ധീകരിച്ചിട്ടുള്ളത്. ജ്യോതിശ്ശാത്രജ്ഞനായ ജെയിൻ ഗ്രീവ്സും സഹശാസ്ത്രജ്ഞരും ചേര്‍ന്നായിരുന്നു പഠനം.

രസകരമാണ് ശുക്രന്റെ കാര്യം. സൗരയൂഥത്തിലെ ഏറ്റവും ചൂടു കൂടിയ ഗ്രഹം. കാര്‍ബൺ ഡയോക്സൈഡിന്റെ അളവ് അന്തരീക്ഷത്തില്‍ ഏറെ കൂടുതലാണ്. 96ശതമാനത്തോളം. മാത്രമല്ല ഭൂമിയെക്കാള്‍ ഏറെയേറെ കട്ടിയേറിയ അന്തരീക്ഷവും. അതിനാൽ ശുക്രനിലേക്കെത്തുന്ന സൂര്യപ്രകാശം ശുക്രനിലെ അന്തരീക്ഷത്തില്‍ കുടുങ്ങിക്കിടക്കും. ഗ്രീന്‍ ഹൗസ് ഇഫക്റ്റ് എന്ന പ്രതിഭാസം! അതിനാല്‍ 400ഡിഗ്രി സെല്‍ഷ്യസിനു മുകളിലാണ് ചൂട്.

ചൂടും അന്തരീക്ഷവും മാറ്റിനിര്‍ത്തിയാൽ ഏതാണ്ട് ഭൂമിയോട് സമാനമാണ് ശുക്രൻ. വലിപ്പവും ഭാരവും സാന്ദ്രതയും ഗ്രാവിറ്റിയും ഒക്കെ ഏതാണ്ട് ഭൂമിയ്ക്കു സമാനം.  

നേച്ചര്‍ ആസ്ട്രോണമിയിൽ വന്ന പ്രബന്ധം വായിക്കാം: https://www.nature.com/articles/s41550-020-1174-4.pdf

Greaves, J.S., Richards, A.M.S., Bains, W. et al. Phosphine gas in the cloud decks of Venus. Nat Astron (2020). https://doi.org/10.1038/s41550-020-1174-4

പോസ്റ്റ് ലിങ്ക്: https://www.nscience.in/2020/09/life-on-venus-phosphine.html

---നവനീത്...

Comments

Post a Comment

Popular posts from this blog

എങ്ങനെ നിങ്ങൾക്കും ചൊവ്വയിലിറങ്ങി ഫോട്ടോയെടുക്കാം. ഇതാ അവസരം!

-
Image
ചൊവ്വയിലേക്ക് പെർസിവയരൻസ് എന്ന വാഹനം പോകുന്നത് അടുത്ത മാസമാണ്. പിന്നെയും മാസങ്ങൾ കഴിഞ്ഞ് അടുത്ത വർഷമേ അത് ചൊവ്വയിലെത്തൂ. പക്ഷേ നമുക്ക് ചൊവ്വയിലേക്ക് ഇപ്പോൾത്തന്നെ പോവാൻ നാസ അവസരമൊരുക്കിയിരിക്കുകയാണ്. ചൊവ്വയുടെ മണ്ണിൽ കാൽകുത്താനുള്ള മനുഷ്യരുടെ ത്വരയെ നാസയ്ക്കു കാണാതിരിക്കാനാവില്ലല്ലോ. ചൊവ്വയിൽപ്പോവാൻ പേടിയുള്ളവർക്ക് ചൊവ്വയിലേക്കുള്ള വിക്ഷേപണം കാണാനും ഒബ്സർവേഷൻ സെന്ററിൽ ഇരുന്ന് വിക്ഷേപണത്തെ നിയന്ത്രിക്കാനും ഒക്കെ അവസരമുണ്ട്. കൊറോണ ആയതിനാൽ ആകെക്കൂടി ചെയ്യേണ്ടത് വീട്ടിലിരിക്കുക. എന്നിട്ട് നെറ്റിൽക്കയറി ദാ ഈ സൈറ്റ് തുറക്കുക. https://mars.nasa.gov/mars2020/participate/photo-booth/ അവിടെ നിങ്ങളുടെ ഫോട്ടോ അപ്‍ലോഡ് ചെയ്യുക. ഇഷ്ടമുള്ള പശ്ചാത്തലം തിരഞ്ഞെടുക്കുക. പെർസിവിയറൻസ് ചൊവ്വയിൽ എത്തുന്നതിനു മുന്നേതന്നെ അതിനൊപ്പം ഫോട്ടോയെടുക്കാൻ അവസരമൊരുങ്ങും! ങ്ങാ, പിന്നെ ഒരു കാര്യം കൂടി. പെർസിവിയറൻസിലേറി ചൊവ്വയിലെത്തുന്നത് ഒരു കോടി മനുഷ്യരുടെ പേരുകളും പേറിയാണ്. എല്ലാവരുടെ പേരും കൊത്തിയ ചെറിയ ചിപ്പുകൾ ഈ പേടകത്തിൽ ഉണ്ട്. അന്ന് അയയ്ക്കാൻ വിട്ടുപോയവർക്ക് 2026ലെ പേടകത്തിൽ വീണ്ടും ചൊവ്വയിലെത്താം. ആ ടിക്കറ്റി
Read more

ഇതാണു മക്കളേ ശുക്രന്റെ ഫോട്ടോ! ആറു മണിക്കൂര്‍ ക്യാമറ തുറന്നുവച്ച് എടുത്ത ഫോട്ടോ!

-
Image
ചിത്രത്തിനു കടപ്പാട്: NASA/MPE/K.Dennerl et al. ഈ ചിത്രം എന്താണെന്നറിയാമോ? ഇതാണു ശുക്രന്‍ എന്ന ഗ്രഹം! ങേ? ഞെട്ടിയോ? നാം ഇതുവരെ കണ്ട ശുക്രന്‍ ഇങ്ങനെയല്ലായിരുന്നല്ലോ എന്നാവും ചിന്ത! ശരിയാണ് നാം ഇതുവരെ കണ്ടിട്ടുള്ള ശുക്രന്റെ ചിത്രം ഇങ്ങനെയേ അല്ല! പക്ഷേ ഇതും ശുക്രന്റെ ചിത്രമാണ്. ആറ് മണിക്കൂര്‍ ക്യാമറയും തുറന്നുവച്ച് കഷ്ടപ്പെട്ട് എടുത്ത ചിത്രം! ബഹിരാകാശത്ത് നാസ സ്ഥാപിച്ചിട്ടുള്ള ചന്ദ്ര എക്സ്-റേ ഒബ്സര്‍വേറ്ററി എടുത്ത ചിത്രമാണിത്. എക്സ്-റേയെ മാത്രം കാണാന്‍ കഴിയുന്ന ഒരു ടെലിസ്കോപ്പാണ് ചന്ദ്ര-എക്സ്-റേ ഒബ്സര്‍വേറ്ററി. ഈ ടെലിസ്കോപ്പ് 2001 ജനുവരി 10, 13 തീയതികളില്‍ ശുക്രനെ നിരീക്ഷിച്ച് എടുത്ത ചിത്രമാണ് കുറെ ചെറിയ കുത്തു കുത്തുകള്‍ മാത്രമായി ഇപ്പോള്‍ കണ്ടത്. അതെന്താ അങ്ങനെ എന്നല്ലേ? സംഗതി ലളിതമാണ്. ശുക്രനില്‍നിന്നു വരുന്ന എക്സ്-റേ രശ്മികളെ മാത്രം ഉപയോഗിച്ചാണ് ഈ ഫോട്ടോ ഉണ്ടാക്കിയിരിക്കുന്നത്. ശുക്രനില്‍നിന്നും വരുന്ന എക്സ് രശ്മികളുടെ അളവ് വളരെ വളരെ കുറവും ആണ്. അതാണ് ആറു മണിക്കൂര്‍ ക്യാമറ തുറന്നുവച്ച് ഫോട്ടോയെടുത്തിട്ടും ഇത്രയും അപൂര്‍ണ്ണമെന്നു തോന്നിയ ഒരു ചിത്രം കിട്ടിയത്.
Read more

സൂഷ്മലോകത്തിലേക്കുള്ള മൂന്നാം കണ്ണ് - മൈക്രോസ്കോപ്പ് എന്ന സൂഷ്മദര്‍ശിനി

-
Image
സൂഷ്മലോകത്തിലേക്കുള്ള മൂന്നാം കണ്ണ് -  മൈക്രോസ്കോപ്പ് പുല്‍ക്കൊടിത്തുമ്പില്‍ നില്‍ക്കുന്ന വെള്ളത്തുള്ളിയായിരിക്കണം ഒരു പക്ഷേ മനുഷ്യന്‍ കണ്ട ആദ്യ സൂഷ്മദര്‍ശിനി. ഇലയുടെ കുറച്ചുകൂടി വലിയ ചിത്രം ആ ജലത്തുള്ളി കാണിച്ചുകൊടുത്തിട്ടുണ്ടാവണം. ഏറ്റവും ലളിതമായ മൈക്രോസ്കോപ്പാണിത്. ഒരു ചില്ലിന്‍മേല്‍ ഒരു വെള്ളത്തുള്ളി വച്ച് നിങ്ങള്‍ക്കും ഈ ലളിതമായ മൈക്രോസ്കോപ്പ് നിര്‍മ്മിക്കാവുന്നതാണ്. ആരാണ് ആദ്യമൈക്രോസ്കോപ്പ് നിര്‍മ്മിച്ചത് എന്ന് ചോദിച്ചാല്‍ ഉത്തരം പറയാന്‍ ബുദ്ധിമുട്ടാണ്. കാരണം ഒരു ലെന്‍സ് മാത്രം ഉപയോഗിച്ച് ഒരു വസ്തുവിനെ നിരീക്ഷിച്ചാല്‍ ആ സംവിധാനത്തെ ഒരു മൈക്രോസ്കോപ്പ് എന്ന് വിളിക്കാം. രണ്ട് ലെന്‍സുകള്‍ ഉപയോഗിച്ച് വസ്തുക്കളെ കൂടുതല്‍ വലുതാക്കി കാണിക്കുന്ന കോംപൌണ്ട് മൈക്രോസ്കോപ്പ് എന്ന സംവിധാനം നിര്‍മ്മിച്ചത് ആരാണ് എന്നതു പോലും ഇന്ന് തര്‍ക്കവിഷയമാണ്. ഹാന്‍സ് ലിപ്പര്‍ഷെ, സക്കറിയാസ് ജാന്‍സണ്‍ എന്ന് തുടങ്ങി ഗലീലിയോ ഗലീലി വരെ ഈ പട്ടികയിലുണ്ട്. മൈക്രോസ്കോപ്പിന്റെ നിര്‍മ്മാണത്തില്‍ ഏറ്റവും പ്രധാനം ലെന്‍സുകളാണ്. പ്രകാശത്തെ ആവശ്യാനുസരണം നിയന്ത്രിച്ച് ഒരു വസ്തുവിന്റെ വലിപ്പമേറിയ പ്രതിബിംബം രൂപപ്പെടുത്തിയെടുക
Read more