ആദിമസൗരയൂഥം ഭൂമിയിലെത്തി! samples from asteroid Ryugu have been brought to Earth by the Hayabusa2 mission

-

 ആദിമസൗരയൂഥം ഭൂമിയിലെത്തി!


സൗരയൂഥം ഭൂമിയിലെത്തി എന്നു കേട്ടാൽ അത്ഭുതപ്പെടേണ്ടതില്ല. ആറു വർഷങ്ങൾക്കു മുൻപാണ് ജപ്പാന്റെ ബഹിരാകാശ ഏജൻസിയായ ജാക്സയുടെ ഹയാബുസ ത്സു( Hayabusa2) എന്ന ദൗത്യം വിക്ഷേപിക്കപ്പെടുന്നത്. ഡ്യൂ-യ്-ഗു (Ryugu) എന്നു പേരിട്ട ഒരു ഛിന്നഗ്രഹത്തിലേക്കായിരുന്നു ഹയാബുസയുടെ യാത്ര. അവിടെയെത്തി ഛിന്നഗ്രഹത്തിന്റെ ഒരു തരി മണ്ണും പൊടിയും ശേഖരിച്ച് ഭൂമിയിലേക്കു തിരിച്ചെത്തുക. അതായിരുന്നു ദൗത്യം. കഴിഞ്ഞ ദിവസം ആ ചരിത്രദൗത്യവും പൂർത്തീകരിച്ച് ഹയാബുസ ഭൂമിയിൽ തിരിച്ചെത്തി. സൗരയൂഥരൂപീകരണസമയത്തെ പാറക്കല്ലുകളിലൊന്നാണ് ഡ്യൂ-യ്-ഗു എന്നാണു കരുതപ്പെടുന്നത്. നൂറുകണക്കിനു കോടി വർഷങ്ങളായി മാറ്റമൊന്നുമില്ലാതെ തുടരുന്ന ഇടം. ആ സാംപിൾ കിട്ടുക എന്നാൽ ആദിമസൗരയൂഥത്തെ തൊടുക എന്നാണ് അർത്ഥം. അതാണ് ഹയാബുസ-ത്സു നേടിയെടുത്തിരിക്കുന്നത്. 

ഇന്നലെ ആസ്ട്രേലിയയിലെ വൂമെരാ എന്നയിടത്താണ് ഹയാബുസയിലെ സാംപിൾ കാപ്സൂൾ ലാൻഡ് ചെയ്തത്. പാരച്യൂട്ടുകളും മറ്റും ഉപയോഗിച്ച് അതിസങ്കീർണ്ണമായ ലാൻഡിങ് ആണ് വിജയകരമായി നടന്നത്. 40സെ.മീ വലിപ്പം വരുന്ന പെട്ടിയിലാണ് ഛിന്നഗ്രഹത്തിലെ സാംപിൾ ശേഖരിച്ചിരിക്കുന്നത്.   പ്രാഥമികപരിശോധനകൾക്കുശേഷം സാംപിൾ ആസ്ട്രേലിയയിൽനിന്ന് ജപ്പാനിലേക്ക് എത്തിക്കും. 

ജപ്പാന്റെ മാത്രമല്ല, നാസയുടെ ഒസിരിസ്-റെക്സ് എന്ന പേടകവും ഇതേപോലൊരു ദൗത്യവുമായി സൗരയൂഥത്തിലുണ്ട്. ബെന്നു എന്നു പേരുള്ള ഛിന്നഗ്രഹത്തിൽനിന്ന് കഴിഞ്ഞ ഒക്ടോബർ 20 സാംപിളും ശേഖരിച്ച് തിരികെ വന്നുകൊണ്ടിരിക്കുകയാണ് ഒസിരിസ് റെക്സ്. രണ്ടു ദൗത്യങ്ങളും ശേഖരിച്ച സാംപിളുകൾ വിശകലനം ചെയ്താൽ സൗരയൂഥാരംഭത്തെക്കുറിച്ച് കൂടുതൽ വിവരം നമുക്കു ലഭിച്ചേക്കും. ഈ സാംപിളുകളുടെ ഒരു ഭാഗം ഇരു രാജ്യങ്ങളും പരസ്പരം കൈമാറാനും ശ്രമിക്കുന്നുണ്ട്. പരസ്പരസഹകരണത്തോടെ നമ്മുടെ സ്വന്തം സൗരയൂഥത്തെക്കുറിച്ചു പഠിക്കുക. 

ജപ്പാനിലെ കൊച്ചി സർവ്വകലാശാല അടക്കം നിരവധി സ്ഥാപനങ്ങൾ ഈ ദൗത്യത്തിൽ പങ്കാളികളാണ്. 


ചിത്രത്തിനു കടപ്പാട്: Japan Aerospace Exploration Agency (JAXA); ONC team (image credit): JAXA, University of Tokyo, Kochi University, Rikkyo University, Nagoya University, Chiba Institute of Technology, Meiji University, University of Aizu, AIST.


പോസ്റ്റ് ലിങ്ക്: https://www.nscience.in/2020/12/samples-from-asteroid-ryugu-have-been.html

Comments

Post a Comment

Popular posts from this blog

എങ്ങനെ നിങ്ങൾക്കും ചൊവ്വയിലിറങ്ങി ഫോട്ടോയെടുക്കാം. ഇതാ അവസരം!

-
Image
ചൊവ്വയിലേക്ക് പെർസിവയരൻസ് എന്ന വാഹനം പോകുന്നത് അടുത്ത മാസമാണ്. പിന്നെയും മാസങ്ങൾ കഴിഞ്ഞ് അടുത്ത വർഷമേ അത് ചൊവ്വയിലെത്തൂ. പക്ഷേ നമുക്ക് ചൊവ്വയിലേക്ക് ഇപ്പോൾത്തന്നെ പോവാൻ നാസ അവസരമൊരുക്കിയിരിക്കുകയാണ്. ചൊവ്വയുടെ മണ്ണിൽ കാൽകുത്താനുള്ള മനുഷ്യരുടെ ത്വരയെ നാസയ്ക്കു കാണാതിരിക്കാനാവില്ലല്ലോ. ചൊവ്വയിൽപ്പോവാൻ പേടിയുള്ളവർക്ക് ചൊവ്വയിലേക്കുള്ള വിക്ഷേപണം കാണാനും ഒബ്സർവേഷൻ സെന്ററിൽ ഇരുന്ന് വിക്ഷേപണത്തെ നിയന്ത്രിക്കാനും ഒക്കെ അവസരമുണ്ട്. കൊറോണ ആയതിനാൽ ആകെക്കൂടി ചെയ്യേണ്ടത് വീട്ടിലിരിക്കുക. എന്നിട്ട് നെറ്റിൽക്കയറി ദാ ഈ സൈറ്റ് തുറക്കുക. https://mars.nasa.gov/mars2020/participate/photo-booth/ അവിടെ നിങ്ങളുടെ ഫോട്ടോ അപ്‍ലോഡ് ചെയ്യുക. ഇഷ്ടമുള്ള പശ്ചാത്തലം തിരഞ്ഞെടുക്കുക. പെർസിവിയറൻസ് ചൊവ്വയിൽ എത്തുന്നതിനു മുന്നേതന്നെ അതിനൊപ്പം ഫോട്ടോയെടുക്കാൻ അവസരമൊരുങ്ങും! ങ്ങാ, പിന്നെ ഒരു കാര്യം കൂടി. പെർസിവിയറൻസിലേറി ചൊവ്വയിലെത്തുന്നത് ഒരു കോടി മനുഷ്യരുടെ പേരുകളും പേറിയാണ്. എല്ലാവരുടെ പേരും കൊത്തിയ ചെറിയ ചിപ്പുകൾ ഈ പേടകത്തിൽ ഉണ്ട്. അന്ന് അയയ്ക്കാൻ വിട്ടുപോയവർക്ക് 2026ലെ പേടകത്തിൽ വീണ്ടും ചൊവ്വയിലെത്താം. ആ ടിക്കറ്റി
Read more

സൂഷ്മലോകത്തിലേക്കുള്ള മൂന്നാം കണ്ണ് - മൈക്രോസ്കോപ്പ് എന്ന സൂഷ്മദര്‍ശിനി

-
Image
സൂഷ്മലോകത്തിലേക്കുള്ള മൂന്നാം കണ്ണ് -  മൈക്രോസ്കോപ്പ് പുല്‍ക്കൊടിത്തുമ്പില്‍ നില്‍ക്കുന്ന വെള്ളത്തുള്ളിയായിരിക്കണം ഒരു പക്ഷേ മനുഷ്യന്‍ കണ്ട ആദ്യ സൂഷ്മദര്‍ശിനി. ഇലയുടെ കുറച്ചുകൂടി വലിയ ചിത്രം ആ ജലത്തുള്ളി കാണിച്ചുകൊടുത്തിട്ടുണ്ടാവണം. ഏറ്റവും ലളിതമായ മൈക്രോസ്കോപ്പാണിത്. ഒരു ചില്ലിന്‍മേല്‍ ഒരു വെള്ളത്തുള്ളി വച്ച് നിങ്ങള്‍ക്കും ഈ ലളിതമായ മൈക്രോസ്കോപ്പ് നിര്‍മ്മിക്കാവുന്നതാണ്. ആരാണ് ആദ്യമൈക്രോസ്കോപ്പ് നിര്‍മ്മിച്ചത് എന്ന് ചോദിച്ചാല്‍ ഉത്തരം പറയാന്‍ ബുദ്ധിമുട്ടാണ്. കാരണം ഒരു ലെന്‍സ് മാത്രം ഉപയോഗിച്ച് ഒരു വസ്തുവിനെ നിരീക്ഷിച്ചാല്‍ ആ സംവിധാനത്തെ ഒരു മൈക്രോസ്കോപ്പ് എന്ന് വിളിക്കാം. രണ്ട് ലെന്‍സുകള്‍ ഉപയോഗിച്ച് വസ്തുക്കളെ കൂടുതല്‍ വലുതാക്കി കാണിക്കുന്ന കോംപൌണ്ട് മൈക്രോസ്കോപ്പ് എന്ന സംവിധാനം നിര്‍മ്മിച്ചത് ആരാണ് എന്നതു പോലും ഇന്ന് തര്‍ക്കവിഷയമാണ്. ഹാന്‍സ് ലിപ്പര്‍ഷെ, സക്കറിയാസ് ജാന്‍സണ്‍ എന്ന് തുടങ്ങി ഗലീലിയോ ഗലീലി വരെ ഈ പട്ടികയിലുണ്ട്. മൈക്രോസ്കോപ്പിന്റെ നിര്‍മ്മാണത്തില്‍ ഏറ്റവും പ്രധാനം ലെന്‍സുകളാണ്. പ്രകാശത്തെ ആവശ്യാനുസരണം നിയന്ത്രിച്ച് ഒരു വസ്തുവിന്റെ വലിപ്പമേറിയ പ്രതിബിംബം രൂപപ്പെടുത്തിയെടുക
Read more

റിഗോലിത്ത് - ചന്ദ്രനിലെ മണ്ണിന്റെ കഥ - story of regolith

-
Image
  ചില ചന്ദ്രകാര്യങ്ങൾ ------------------- ഒരു പൊടിക്കഥ -------------- അപ്പോളോ യാത്രികർ ചന്ദ്രനിലിറങ്ങിയ സമയത്ത് അവർ അപ്രതീക്ഷിതമായ ചില വെല്ലുവിളികളെ നേരിട്ടു. അവരുടെ സ്പേസ് സ്യൂട്ടിൽ പറ്റിയ ചന്ദ്രനിലെ മണ്ണ് അത്രവേഗമൊന്നും സ്യൂട്ടിൽനിന്നു പോകുന്നില്ല! സ്യൂട്ടിലും പേടകത്തിലുമൊക്കെ അത് പെട്ടെന്ന് ഒട്ടിപ്പിടിക്കുന്നു! നമ്മൾ സ്കെയിൽ തലമുടിയിൽ ഉരച്ച് കുഞ്ഞു കടലാസുകഷണങ്ങളെ ഉയർത്താറില്ലേ. അതുപോലെ ഒരു പ്രശ്നമായിരുന്നു ഈ അമ്പിളിമണ്ണും ഉയർത്തിയത്. കാലാകാലങ്ങളായി സൂര്യപ്രകാശമേറ്റു കിടന്നിരുന്ന ചന്ദ്രന്റെ മേൽമണ്ണിന് അല്പം വൈദ്യുതചാർജ്ജ് ഉണ്ടായിരുന്നു. സ്പേസ് സ്യൂട്ടിലും മറ്റും ചന്ദ്രന്റെ മണ്ണ് ഒട്ടിപ്പിടിക്കാനുള്ള കാരണങ്ങളിലൊന്നും ഈ വൈദ്യുതചാർജ്ജായിരുന്നു! ചന്ദ്രനിലിറങ്ങിയ പന്ത്രണ്ടു യാത്രികരും ഈ പ്രശ്നം റിപ്പോർട്ടു ചെയ്തിരുന്നു. ഇനി ആർട്ടിമിസ് ദൗത്യത്തിലൂടെ ചന്ദ്രനിലിറങ്ങാൻ പോകുന്നവരും ഇതേ പ്രശ്നത്തെ മറികടക്കേണ്ടിവരും! ചന്ദ്രയാൻ മൂന്നിൽ ചന്ദ്രനിലെത്തുന്ന റോവറിനും ലാൻഡറിനും ചന്ദ്രമണ്ണ് ഇതേ പ്രശ്നം സൃഷ്ടിക്കാനുള്ള സാധ്യതയും തള്ളിക്കളയേണ്ടതില്ല! വെറും ഒട്ടിപ്പിടിക്കൽ മാത്രമായിരുന്നെങ്കിൽ സഹിക്കാമായ
Read more