ലോകത്തെ ഏറ്റവും വൃത്തിയുള്ള വസ്തു ഇന്ന് ചൊവ്വയിൽ! "Perseverance sample caching"

-
ലോകത്തെ ഏറ്റവും വൃത്തിയുള്ള വസ്തു ഇന്ന് ചൊവ്വയിൽ!





പെർസിവിയറൻസിനൊപ്പം ചില അപൂർവ്വവസ്തുക്കൾ കൂടി ചൊവ്വയിലെത്തും. ലോകത്തെ ഏറ്റവും വൃത്തിയുള്ള വസ്തു എന്നാണ് നാസ ഇതിനെ വിശേഷിപ്പിക്കുന്നത്. സംഗതി ഏതാനും കുഴലുകളാണ്. ചൊവ്വയിലെ സാമ്പിളുകൾ ശേഖരിക്കാൻ വേണ്ടി നിർമ്മിച്ചിരിക്കുന്ന കുഴലുകൾ. ചൊവ്വയുടെ മണ്ണു കുഴിച്ചെടുക്കുന്ന സാമ്പിളുകൾ ഈ റ്റ്യൂബുകളിൽനിറച്ച് പെർസിവിയറൻസ് തന്റെ ഉദരത്തിൽ സൂക്ഷിച്ചു വയ്ക്കും. പിന്നീടൊരു കാലത്ത് ഇവയെ ഭൂമിയിലേക്ക് എത്തിക്കേണ്ടതുണ്ട്. ഭാവിയിൽ നടത്തുന്ന മറ്റൊരു ആളില്ലാ ദൗത്യത്തിലാവും ഈ റ്റ്യൂബുകൾ ഭൂമിയിലേക്ക് തിരികെ എത്തുന്നത്. അന്ന് ഭൂമിയിൽനിന്ന് പുറപ്പെടുന്ന മറ്റൊരു ദൗത്യത്തിലെ പേടകം പെർസിവിയറൻസുമായി കണ്ടുമുട്ടും. എന്നിട്ട് ഈ റ്റ്യൂബുകളെ കൈമാറും. റ്റ്യൂബുകളുമായി ആ ദൗത്യം തിരികെ ഭൂമിയിലെത്തും. ആരും തൊടാത്ത ചൊവ്വയിലെ മണ്ണാവും അന്നങ്ങനെ ഭൂമിയിലെത്തുക! ഈ 'തെളിവിന്റെ കുഴലുകൾ' ഭൂമിയിലെത്തിക്കഴിഞ്ഞിട്ടാവും മനുഷ്യർ ചൊവ്വയിലേക്കു യാത്ര തിരിക്കുന്നത്.
ലോകത്തിലെ ഏറ്റവും വൃത്തിയുള്ള വസ്തുവാകണം ഈ സാമ്പിൾ കളക്ഷൻ റ്റ്യൂബ് എന്ന കാര്യത്തിൽ നാസയിലെ ശാസ്ത്രജ്ഞർക്ക് വലിയ നിർബന്ധമാണ്. ഭൂമിയിലെ ഒന്നും ഈ റ്റ്യൂബിൽ ഉണ്ടാവരുത്. പ്രത്യേകിച്ചും ഭൂമിയിലെ ജീവരൂപങ്ങളുടെ ഒരു ഡി എൻ എ പോലും! ചൊവ്വയിൽ എന്നെങ്കിലും ജീവികൾ ഉണ്ടായിരുന്നോ എന്നു പരിശോധിക്കാനുള്ള അവസരമാണ് റ്റ്യൂബിലേറി വരുന്ന ചൊവ്വാമണ്ണ്. അതിൽ മറ്റൊരു ജീവരൂപവും കലരരുത്. അതിനാൽ അത്രയും ശ്രദ്ധയോടെ, ലോകത്തിലെ ഏറ്റവും വൃത്തിയുള്ള വസ്തുവായിട്ടാണ് ഈ റ്റ്യൂബുകളുടെ നിർമ്മാണം!
---നവനീത്...

തെളിവുകളുടെ റ്റ്യുബുകളിലൊന്നിനെ നാസ എൻജിനീയർ പരിശോധിക്കുന്നു. പെർസിവിയറൻസിലേക്ക് റ്റ്യൂബുകൾ കൂട്ടിച്ചേർക്കുന്നതിനു മുൻപു നടത്തിയ പരിശോധനയാണിത്.

കടപ്പാട്: NASA/JPL-Caltech 

Comments

Post a Comment

Popular posts from this blog

എങ്ങനെ നിങ്ങൾക്കും ചൊവ്വയിലിറങ്ങി ഫോട്ടോയെടുക്കാം. ഇതാ അവസരം!

-
Image
ചൊവ്വയിലേക്ക് പെർസിവയരൻസ് എന്ന വാഹനം പോകുന്നത് അടുത്ത മാസമാണ്. പിന്നെയും മാസങ്ങൾ കഴിഞ്ഞ് അടുത്ത വർഷമേ അത് ചൊവ്വയിലെത്തൂ. പക്ഷേ നമുക്ക് ചൊവ്വയിലേക്ക് ഇപ്പോൾത്തന്നെ പോവാൻ നാസ അവസരമൊരുക്കിയിരിക്കുകയാണ്. ചൊവ്വയുടെ മണ്ണിൽ കാൽകുത്താനുള്ള മനുഷ്യരുടെ ത്വരയെ നാസയ്ക്കു കാണാതിരിക്കാനാവില്ലല്ലോ. ചൊവ്വയിൽപ്പോവാൻ പേടിയുള്ളവർക്ക് ചൊവ്വയിലേക്കുള്ള വിക്ഷേപണം കാണാനും ഒബ്സർവേഷൻ സെന്ററിൽ ഇരുന്ന് വിക്ഷേപണത്തെ നിയന്ത്രിക്കാനും ഒക്കെ അവസരമുണ്ട്. കൊറോണ ആയതിനാൽ ആകെക്കൂടി ചെയ്യേണ്ടത് വീട്ടിലിരിക്കുക. എന്നിട്ട് നെറ്റിൽക്കയറി ദാ ഈ സൈറ്റ് തുറക്കുക. https://mars.nasa.gov/mars2020/participate/photo-booth/ അവിടെ നിങ്ങളുടെ ഫോട്ടോ അപ്‍ലോഡ് ചെയ്യുക. ഇഷ്ടമുള്ള പശ്ചാത്തലം തിരഞ്ഞെടുക്കുക. പെർസിവിയറൻസ് ചൊവ്വയിൽ എത്തുന്നതിനു മുന്നേതന്നെ അതിനൊപ്പം ഫോട്ടോയെടുക്കാൻ അവസരമൊരുങ്ങും! ങ്ങാ, പിന്നെ ഒരു കാര്യം കൂടി. പെർസിവിയറൻസിലേറി ചൊവ്വയിലെത്തുന്നത് ഒരു കോടി മനുഷ്യരുടെ പേരുകളും പേറിയാണ്. എല്ലാവരുടെ പേരും കൊത്തിയ ചെറിയ ചിപ്പുകൾ ഈ പേടകത്തിൽ ഉണ്ട്. അന്ന് അയയ്ക്കാൻ വിട്ടുപോയവർക്ക് 2026ലെ പേടകത്തിൽ വീണ്ടും ചൊവ്വയിലെത്താം. ആ ടിക്കറ്റി
Read more

ഇതാണു മക്കളേ ശുക്രന്റെ ഫോട്ടോ! ആറു മണിക്കൂര്‍ ക്യാമറ തുറന്നുവച്ച് എടുത്ത ഫോട്ടോ!

-
Image
ചിത്രത്തിനു കടപ്പാട്: NASA/MPE/K.Dennerl et al. ഈ ചിത്രം എന്താണെന്നറിയാമോ? ഇതാണു ശുക്രന്‍ എന്ന ഗ്രഹം! ങേ? ഞെട്ടിയോ? നാം ഇതുവരെ കണ്ട ശുക്രന്‍ ഇങ്ങനെയല്ലായിരുന്നല്ലോ എന്നാവും ചിന്ത! ശരിയാണ് നാം ഇതുവരെ കണ്ടിട്ടുള്ള ശുക്രന്റെ ചിത്രം ഇങ്ങനെയേ അല്ല! പക്ഷേ ഇതും ശുക്രന്റെ ചിത്രമാണ്. ആറ് മണിക്കൂര്‍ ക്യാമറയും തുറന്നുവച്ച് കഷ്ടപ്പെട്ട് എടുത്ത ചിത്രം! ബഹിരാകാശത്ത് നാസ സ്ഥാപിച്ചിട്ടുള്ള ചന്ദ്ര എക്സ്-റേ ഒബ്സര്‍വേറ്ററി എടുത്ത ചിത്രമാണിത്. എക്സ്-റേയെ മാത്രം കാണാന്‍ കഴിയുന്ന ഒരു ടെലിസ്കോപ്പാണ് ചന്ദ്ര-എക്സ്-റേ ഒബ്സര്‍വേറ്ററി. ഈ ടെലിസ്കോപ്പ് 2001 ജനുവരി 10, 13 തീയതികളില്‍ ശുക്രനെ നിരീക്ഷിച്ച് എടുത്ത ചിത്രമാണ് കുറെ ചെറിയ കുത്തു കുത്തുകള്‍ മാത്രമായി ഇപ്പോള്‍ കണ്ടത്. അതെന്താ അങ്ങനെ എന്നല്ലേ? സംഗതി ലളിതമാണ്. ശുക്രനില്‍നിന്നു വരുന്ന എക്സ്-റേ രശ്മികളെ മാത്രം ഉപയോഗിച്ചാണ് ഈ ഫോട്ടോ ഉണ്ടാക്കിയിരിക്കുന്നത്. ശുക്രനില്‍നിന്നും വരുന്ന എക്സ് രശ്മികളുടെ അളവ് വളരെ വളരെ കുറവും ആണ്. അതാണ് ആറു മണിക്കൂര്‍ ക്യാമറ തുറന്നുവച്ച് ഫോട്ടോയെടുത്തിട്ടും ഇത്രയും അപൂര്‍ണ്ണമെന്നു തോന്നിയ ഒരു ചിത്രം കിട്ടിയത്.
Read more

പൊടിക്കാറ്റ് - ഇൻസൈറ്റ് പ്രവർത്തനം അവസാനിപ്പിക്കുന്നു

-
Image
നാലുവർഷം നീണ്ട ഒറ്റ നിൽപ്പ്. നിന്ന നിൽപ്പിൽ ചെയ്തുകൂട്ടിയ പരാക്രമങ്ങൾ. എടുത്ത ഫോട്ടോകൾ. കേട്ടറിഞ്ഞ കുലുക്കങ്ങൾ... അങ്ങനെ ഒത്തിരിയുണ്ട് ഇൻസൈറ്റിനു പറയാൻ. പക്ഷേ നാലു വർഷത്തെ ഈ ദൗത്യത്തിന് അവസാനമാകുകയാണ്. ഇനിയൊരിക്കലും കണ്ണുതുറക്കാൻ കഴിയാത്തവിധം ഇൻസൈറ്റിലെ ഊർജ്ജോത്പാദനം നിലയ്ക്കുകയാണ്. 2018 നവംബറിലാണ് ഇൻസൈറ്റ് പേടകം ചൊവ്വയിലെത്തുന്നത്. Interior Exploration using Seismic Investigations, Geodesy and Heat Transport എന്നായിരുന്നു ഇദ്ദേഹത്തിന്റെ മുഴുവൻ പേര്. ചൊവ്വയും ഭൂമിയും ചന്ദ്രനുമെല്ലാം രൂപപ്പെട്ടത് ഏതാണ്ട് ഒരേ കാലയളവിൽ ആണെന്നാണ് കരുതുന്നത്. എന്നാൽ കാലാന്തരത്തിൽ ഇവരുടെ പരിണാമം വ്യത്യസ്തമായിരുന്നു. ഓരോ ഗോളവും വ്യത്യസ്തരീതിയിലായിരുന്നു സ്വന്തം ഉള്ളും അന്തരീക്ഷവും മാറ്റിക്കൊണ്ടിരുന്നത്. ഒരേ കാലഘട്ടത്തിൽ രൂപപ്പെട്ടിട്ടും എന്തുകൊണ്ടാണ് വ്യത്യസ്തരീതികളിൽ പരിണമിച്ചത് എന്ന ചോദ്യത്തിന് ഉത്തരം തേടിയാണ് ഇൻസൈറ്റ് ചൊവ്വയിലെത്തിയത്. അതിനായി ചൊവ്വയുടെ ഉള്ളിനെക്കുറിച്ച് ആഴത്തിൽ പഠിക്കണം. ഭൂകമ്പത്തിനു സമാനമായി ചൊവ്വയിലുണ്ടാകുന്ന കുലുക്കങ്ങളെക്കുറിച്ചു പഠിക്കണം. ചൊവ്വയുടെ ഉൾക്കാമ്പ്, മാന്റിൽ, പുറംപാളി എന്ന
Read more