അയണോസ്ഫിയറിനെക്കുറിച്ചു പഠിക്കാന്‍ ഇനി മുതല്‍ നാസയുടെ Ionospheric Connection Explorer (ICON)

-

നാസയുടെ പുതിയ പര്യവേക്ഷണ ഉപഗ്രഹമായ  Ionospheric Connection Explorer (ICON) 2019  ഒക്ടോബര്‍ 11 രാവിലെ ഏഴു മണിയോടെ വിക്ഷേപിക്കും. നേരത്തേ ഒക്ടോബര്‍ 10ന് വിക്ഷേപിക്കാനാണ് നിശ്ചയിച്ചിരുന്നത്. കാലാവസ്ഥ മോശമായതിനെത്തുടര്‍ന്ന് വിക്ഷേപണം തൊട്ടടുത്ത ദിവസത്തിലേക്ക് മാറ്റുകയായിരുന്നു.

Ionospheric Connection Explorer (ICON)
കടപ്പാട്: NASA Goddard's Conceptual Image Lab/B. Monroe

ഭൂമിയ്ക്കു മുകളില്‍ അന്തരീക്ഷത്തിന്റെ ഒരു പാളിയായ അയണോസ്ഫിയറിനെക്കുറിച്ച് പഠിക്കുകയാണ് ലക്ഷ്യം. ഭൂമിയുടെ കാലാവസ്ഥയും ബഹിരാകാശകാലാവസ്ഥയും തമ്മില്‍ ചേരുന്ന ഒരു ഇടം എന്നു പറയാം. പണ്ട് ഷോര്‍ട്ട്‍വേവ് ബാന്‍ഡില്‍ റേഡിയോ പ്രക്ഷേപണം കേട്ടിരുന്നത് ഈ അന്തരീക്ഷപാളിയുടെ സഹായത്തോടെയായിരുന്നു. ഏതാനും മെഗാഹെര്‍ട്സ് ആവൃത്തി വരുന്ന എല്ലാ തരംഗങ്ങളെയും പ്രതിഫലിപ്പിക്കാന്‍ ശേഷിയുള്ള അന്തരീക്ഷപാളിയാണിത്. അമേരിക്കയുടെ റേഡിയോ നിലയം ആയ വോയിസ് ഓഫ് അമേരിക്കയുടെ പരിപാടി ഇന്ത്യയില്‍ കേള്‍ക്കാന്‍പോലും അയണോസ്ഫിയര്‍ എന്ന അന്തരീക്ഷപാളി സഹായിച്ചിരുന്നു.
നിരന്തരം മാറ്റങ്ങള്‍ സംഭവിക്കുന്ന ഒരു ഇടമാണ് അയണോസ്ഫിയര്‍. രാത്രിയുള്ള അയണോസ്ഫിയറിന്റെ അവസ്ഥയല്ല പകല്‍. അത്രയും പെട്ടെന്ന് മാറ്റം വരും.  ഇവിടെയുള്ളവയെല്ലാം അയോണുകളുടെ രൂപത്തിലാണ്. അതായത് ചാര്‍ജുള്ള കണങ്ങളാണ്. അയണോസ്ഫിയറിലൂടെ ഭൂമിയെ ചുറ്റുന്ന കൃത്രിമോപഗ്രഹങ്ങള്‍ക്കെല്ലാം ഈ ചാര്‍ജുള്ള അയോണുകള്‍ ഒരു ഭീഷണിയാണ്. അതിനാല്‍ ഈ മേഖലയെക്കുറിച്ച് സമഗ്രമായി പഠിക്കുന്നത് ജിപിഎസ് അടക്കമുള്ള ഉപകരണങ്ങളുടെ മികവ് വര്‍ദ്ധിപ്പിക്കാന്‍ പ്രയോജനപ്പെടും. ബഹിരാകാശത്തുനിന്നുള്ള സൗരവാതവും ഭൂമിയിലെ കാലാവസ്ഥയും എങ്ങനെ അയണോസ്ഫിയറിനെ ബാധിക്കുന്നു എന്നു പഠിക്കാന്‍ ICON പേടകത്തിനാവും.


വിക്ഷേപണത്തിന്റെ രീതി.

ICON ന്റെ വിക്ഷേപണം പുതിയൊരു രീതിയിലാണ്. വിമാനത്തില്‍നിന്നാണ് റോക്കറ്റ് വിക്ഷേപിക്കുന്നത്!
ഫ്ലോറിഡയിലെ കേപ്പ് കനാവെരലില്‍നിന്ന് സ്റ്റാഗേയ്സര്‍ L-1011 എന്ന വിമാനം പെഗാസസ് XL റോക്കറ്റും വഹിച്ച് പറന്നുയരും. ഈ റോക്കറ്റിനുള്ളിലാണ്  ICON പേടകം ഇരിക്കുന്നത്.  40000 അടി (12.6കിലോമീറ്റര്‍) ഉയരെവച്ച് വിമാനത്തില്‍നിന്ന് റോക്കറ്റിനെ താഴേക്കിടും.  താഴേക്കുവീണ് അഞ്ചുസെക്കന്റിനകം റോക്കറ്റിന്റെ ആദ്യ സ്റ്റേജ് ജ്വലിക്കാന്‍ തുടങ്ങും.  575കിലോമീറ്റര്‍ ഉയരെയുള്ള പരിക്രമണപഥത്തിലാവും ICON ഭൂമിയെ ചുറ്റി നിരീക്ഷണം നടത്തുന്നത്. 97മിനിറ്റുകൊണ്ട് ഭൂമിയെ ഒരു തവണ ചുറ്റിവരാന്‍ ഉപഗ്രഹത്തിനാവും. രണ്ടു വര്‍ഷമാണ് ICON ന് കാലാവധി നിശ്ചയിച്ചിരിക്കുന്നത്.  288കിലോഗ്രാമാണ് ഉപഗ്രഹത്തിന്റെ വലിപ്പം. വലിയൊരു റഫ്രിജറേറ്ററിന്റെ അത്രയും വലിപ്പം വരും ഇതിന്.

വിക്ഷേപണം നാസ ടിവിയില്‍ ലൈവ് ആയി ഉണ്ടാവും. താഴെ ഇതു കാണാം.



---നവനീത്...

Credit: NASA Goddard's Conceptual Image Lab/B. Monroe




Comments

Post a Comment

Popular posts from this blog

എങ്ങനെ നിങ്ങൾക്കും ചൊവ്വയിലിറങ്ങി ഫോട്ടോയെടുക്കാം. ഇതാ അവസരം!

-
Image
ചൊവ്വയിലേക്ക് പെർസിവയരൻസ് എന്ന വാഹനം പോകുന്നത് അടുത്ത മാസമാണ്. പിന്നെയും മാസങ്ങൾ കഴിഞ്ഞ് അടുത്ത വർഷമേ അത് ചൊവ്വയിലെത്തൂ. പക്ഷേ നമുക്ക് ചൊവ്വയിലേക്ക് ഇപ്പോൾത്തന്നെ പോവാൻ നാസ അവസരമൊരുക്കിയിരിക്കുകയാണ്. ചൊവ്വയുടെ മണ്ണിൽ കാൽകുത്താനുള്ള മനുഷ്യരുടെ ത്വരയെ നാസയ്ക്കു കാണാതിരിക്കാനാവില്ലല്ലോ. ചൊവ്വയിൽപ്പോവാൻ പേടിയുള്ളവർക്ക് ചൊവ്വയിലേക്കുള്ള വിക്ഷേപണം കാണാനും ഒബ്സർവേഷൻ സെന്ററിൽ ഇരുന്ന് വിക്ഷേപണത്തെ നിയന്ത്രിക്കാനും ഒക്കെ അവസരമുണ്ട്. കൊറോണ ആയതിനാൽ ആകെക്കൂടി ചെയ്യേണ്ടത് വീട്ടിലിരിക്കുക. എന്നിട്ട് നെറ്റിൽക്കയറി ദാ ഈ സൈറ്റ് തുറക്കുക. https://mars.nasa.gov/mars2020/participate/photo-booth/ അവിടെ നിങ്ങളുടെ ഫോട്ടോ അപ്‍ലോഡ് ചെയ്യുക. ഇഷ്ടമുള്ള പശ്ചാത്തലം തിരഞ്ഞെടുക്കുക. പെർസിവിയറൻസ് ചൊവ്വയിൽ എത്തുന്നതിനു മുന്നേതന്നെ അതിനൊപ്പം ഫോട്ടോയെടുക്കാൻ അവസരമൊരുങ്ങും! ങ്ങാ, പിന്നെ ഒരു കാര്യം കൂടി. പെർസിവിയറൻസിലേറി ചൊവ്വയിലെത്തുന്നത് ഒരു കോടി മനുഷ്യരുടെ പേരുകളും പേറിയാണ്. എല്ലാവരുടെ പേരും കൊത്തിയ ചെറിയ ചിപ്പുകൾ ഈ പേടകത്തിൽ ഉണ്ട്. അന്ന് അയയ്ക്കാൻ വിട്ടുപോയവർക്ക് 2026ലെ പേടകത്തിൽ വീണ്ടും ചൊവ്വയിലെത്താം. ആ ടിക്കറ്റി
Read more

ഇതാണു മക്കളേ ശുക്രന്റെ ഫോട്ടോ! ആറു മണിക്കൂര്‍ ക്യാമറ തുറന്നുവച്ച് എടുത്ത ഫോട്ടോ!

-
Image
ചിത്രത്തിനു കടപ്പാട്: NASA/MPE/K.Dennerl et al. ഈ ചിത്രം എന്താണെന്നറിയാമോ? ഇതാണു ശുക്രന്‍ എന്ന ഗ്രഹം! ങേ? ഞെട്ടിയോ? നാം ഇതുവരെ കണ്ട ശുക്രന്‍ ഇങ്ങനെയല്ലായിരുന്നല്ലോ എന്നാവും ചിന്ത! ശരിയാണ് നാം ഇതുവരെ കണ്ടിട്ടുള്ള ശുക്രന്റെ ചിത്രം ഇങ്ങനെയേ അല്ല! പക്ഷേ ഇതും ശുക്രന്റെ ചിത്രമാണ്. ആറ് മണിക്കൂര്‍ ക്യാമറയും തുറന്നുവച്ച് കഷ്ടപ്പെട്ട് എടുത്ത ചിത്രം! ബഹിരാകാശത്ത് നാസ സ്ഥാപിച്ചിട്ടുള്ള ചന്ദ്ര എക്സ്-റേ ഒബ്സര്‍വേറ്ററി എടുത്ത ചിത്രമാണിത്. എക്സ്-റേയെ മാത്രം കാണാന്‍ കഴിയുന്ന ഒരു ടെലിസ്കോപ്പാണ് ചന്ദ്ര-എക്സ്-റേ ഒബ്സര്‍വേറ്ററി. ഈ ടെലിസ്കോപ്പ് 2001 ജനുവരി 10, 13 തീയതികളില്‍ ശുക്രനെ നിരീക്ഷിച്ച് എടുത്ത ചിത്രമാണ് കുറെ ചെറിയ കുത്തു കുത്തുകള്‍ മാത്രമായി ഇപ്പോള്‍ കണ്ടത്. അതെന്താ അങ്ങനെ എന്നല്ലേ? സംഗതി ലളിതമാണ്. ശുക്രനില്‍നിന്നു വരുന്ന എക്സ്-റേ രശ്മികളെ മാത്രം ഉപയോഗിച്ചാണ് ഈ ഫോട്ടോ ഉണ്ടാക്കിയിരിക്കുന്നത്. ശുക്രനില്‍നിന്നും വരുന്ന എക്സ് രശ്മികളുടെ അളവ് വളരെ വളരെ കുറവും ആണ്. അതാണ് ആറു മണിക്കൂര്‍ ക്യാമറ തുറന്നുവച്ച് ഫോട്ടോയെടുത്തിട്ടും ഇത്രയും അപൂര്‍ണ്ണമെന്നു തോന്നിയ ഒരു ചിത്രം കിട്ടിയത്.
Read more

പൊടിക്കാറ്റ് - ഇൻസൈറ്റ് പ്രവർത്തനം അവസാനിപ്പിക്കുന്നു

-
Image
നാലുവർഷം നീണ്ട ഒറ്റ നിൽപ്പ്. നിന്ന നിൽപ്പിൽ ചെയ്തുകൂട്ടിയ പരാക്രമങ്ങൾ. എടുത്ത ഫോട്ടോകൾ. കേട്ടറിഞ്ഞ കുലുക്കങ്ങൾ... അങ്ങനെ ഒത്തിരിയുണ്ട് ഇൻസൈറ്റിനു പറയാൻ. പക്ഷേ നാലു വർഷത്തെ ഈ ദൗത്യത്തിന് അവസാനമാകുകയാണ്. ഇനിയൊരിക്കലും കണ്ണുതുറക്കാൻ കഴിയാത്തവിധം ഇൻസൈറ്റിലെ ഊർജ്ജോത്പാദനം നിലയ്ക്കുകയാണ്. 2018 നവംബറിലാണ് ഇൻസൈറ്റ് പേടകം ചൊവ്വയിലെത്തുന്നത്. Interior Exploration using Seismic Investigations, Geodesy and Heat Transport എന്നായിരുന്നു ഇദ്ദേഹത്തിന്റെ മുഴുവൻ പേര്. ചൊവ്വയും ഭൂമിയും ചന്ദ്രനുമെല്ലാം രൂപപ്പെട്ടത് ഏതാണ്ട് ഒരേ കാലയളവിൽ ആണെന്നാണ് കരുതുന്നത്. എന്നാൽ കാലാന്തരത്തിൽ ഇവരുടെ പരിണാമം വ്യത്യസ്തമായിരുന്നു. ഓരോ ഗോളവും വ്യത്യസ്തരീതിയിലായിരുന്നു സ്വന്തം ഉള്ളും അന്തരീക്ഷവും മാറ്റിക്കൊണ്ടിരുന്നത്. ഒരേ കാലഘട്ടത്തിൽ രൂപപ്പെട്ടിട്ടും എന്തുകൊണ്ടാണ് വ്യത്യസ്തരീതികളിൽ പരിണമിച്ചത് എന്ന ചോദ്യത്തിന് ഉത്തരം തേടിയാണ് ഇൻസൈറ്റ് ചൊവ്വയിലെത്തിയത്. അതിനായി ചൊവ്വയുടെ ഉള്ളിനെക്കുറിച്ച് ആഴത്തിൽ പഠിക്കണം. ഭൂകമ്പത്തിനു സമാനമായി ചൊവ്വയിലുണ്ടാകുന്ന കുലുക്കങ്ങളെക്കുറിച്ചു പഠിക്കണം. ചൊവ്വയുടെ ഉൾക്കാമ്പ്, മാന്റിൽ, പുറംപാളി എന്ന
Read more