നാസയിൽ ചിത്രം വരയ്ക്കുന്നവർക്കെന്താ കാര്യം? NASA Space Art

-

ബഹിരാകാശത്ത് മനുഷ്യർക്കു താമസിക്കാൻ ഒരു കോളനി! അത് എങ്ങനെയിരിക്കും? എന്തു വലിപ്പം അതിനുണ്ടാവും? എത്ര മനോഹാരിതയുണ്ടാകും അതിന്? വലിപ്പം എത്രയുണ്ടാവും? എന്തായിരിക്കും അതിന്റെ ഡിസൈൻ?...



ഇതെല്ലാം നാളത്തേക്കുള്ള സ്വപ്നങ്ങളല്ല. ഇന്നലെകളിൽ പല മനുഷ്യരും കണ്ട സ്വപ്നങ്ങളാണ്. അത്തരം സ്വപ്നങ്ങൾക്ക് നിറം പകരാൻ നല്ല ആർട്ടിസ്റ്റുകൾക്കേ കഴിയുമായിരുന്നുള്ളൂ. 1970കളിൽ നാസ അത്തരമൊരു പ്രൊജക്റ്റിനു രൂപം കൊടുത്തിരുന്നു. സ്പേസ് കോളനികൾ എങ്ങനെയിരിക്കും എന്ന് പല ചിത്രകാരരും അന്ന് നമുക്ക് കാണിച്ചുതന്നു. വെറുതേ വരയ്ക്കുകയായിരുന്നില്ല. സയന്റിസ്റ്റുകളുടെ പിന്തുണയോടെയുള്ള കലാസൃഷ്ടികളായിരുന്നു അവ. ഒരിക്കൽ യഥാർത്ഥ്യമാവാൻ സാധ്യതയുള്ള ചിന്തകളെ ഏറ്റവും മനോഹാരിതയോടെ, എന്നാൽ ശാസ്ത്രീയമായി വരച്ചെടുത്ത് പൊതുജനങ്ങൾക്കു മുന്നിൽ അവതരിപ്പിക്കുന്ന പ്രൊജക്റ്റ്. 

അന്ന് റിക്ക് ഗൈഡസ് ( Rick Guidice) എന്ന ആർട്ടിസ്റ്റ് വരച്ച ചിത്രമാണ് പോസ്റ്റിനൊപ്പം. ഉഴുന്നുവടയുടെ ആകൃതിയിലുള്ള സ്പേസ് സ്റ്റേഷന്റെ ഒരു ഭാഗമാണ് ചിത്രീകരിച്ചിരിക്കുന്നത്. നിശ്ചിതവേഗത്തിൽ കറങ്ങിക്കൊണ്ടിരിക്കുകയാണെങ്കിൽ ഭൂമിയുടേതുപോലെ ഗ്രാവിറ്റിയും ഉണ്ടാകും. അങ്ങനെ അതിഭീമമായ വലിപ്പമുള്ള ഒരു ആകാശക്കപ്പൽ!  (ആ പദ്ധതിയിൽ രചിക്കപ്പെട്ട ചില ചിത്രങ്ങൾ ഇവിടെ കാണാം - https://www.flickr.com/photos/nasacommons/albums/72157644439092941/with/13889485757/)

സയൻസിനെയും പൊതുജനത്തെയും തമ്മിൽ ബന്ധിപ്പിക്കാനുള്ള കണ്ണികളായിട്ടാണ് അന്ന് ആർട്ട് പ്രോഗ്രാമുകളെ നാസ വിഭാവനം ചെയ്തത്. അത്തരം പദ്ധതികൾ ഇന്നും തുടരുന്നുണ്ട്. ബഹിരാകാശദൗത്യങ്ങളുടെ ചിത്രീകരണം നിർവ്വഹിക്കുന്നത് ആർട്ടിസ്റ്റുകൾ ആയിരിക്കും. ചിത്രകാരഭാവന എന്ന കടപ്പാടോടെയാണ് അത്തരം ചിത്രങ്ങൾ നാസയും മറ്റു ബഹിരാകാശ ഏജൻസികളും പങ്കുവയ്ക്കാറ്. 

നാസയിൽ ആർട്ടിസ്റ്റുകളുടെ വലിയൊരു പാനൽ ഉണ്ട്. സയന്റിസ്റ്റുകളുടെ മനസ്സിലെ ആശയങ്ങളെ കാൻവാസിലേക്കു പകർത്തുന്ന ആർട്ടിസ്റ്റുകൾ. സൗരേതരഗ്രഹങ്ങളുടെ കണ്ടെത്തലോടെ അത്തരം ഗ്രഹങ്ങൾ എങ്ങനെയിരിക്കും എന്ന് പലരും ചിന്തിച്ചു തുടങ്ങിയിരുന്നു. അത്തരക്കാരെ തൃപ്തിപ്പെടുത്തുന്ന ഒരു പ്രോഗ്രാമായിരുന്നു കുറച്ചുനാൾ മുൻപ് നാസ ചെയ്ത Exoplanet Travel Bureau. (https://exoplanets.nasa.gov/alien-worlds/exoplanet-travel-bureau/). സൗരേതരഗ്രഹങ്ങൾ എങ്ങനെയിരിക്കും എന്ന് സയന്റിസ്റ്റുകളുടെ സഹായത്തോടെ ആർട്ടിസ്റ്റുകൾ നമുക്ക് കാണിച്ചുതരുന്നുണ്ട് ഇതിൽ. 


പോസ്റ്റ് ലിങ്ക്: https://www.nscience.in/2020/12/nasa-space-art.html

ചിത്രത്തിനു കടപ്പാട്: NASA's Ames Research Center/Rick Guidice

Comments

Post a Comment

Popular posts from this blog

എങ്ങനെ നിങ്ങൾക്കും ചൊവ്വയിലിറങ്ങി ഫോട്ടോയെടുക്കാം. ഇതാ അവസരം!

-
Image
ചൊവ്വയിലേക്ക് പെർസിവയരൻസ് എന്ന വാഹനം പോകുന്നത് അടുത്ത മാസമാണ്. പിന്നെയും മാസങ്ങൾ കഴിഞ്ഞ് അടുത്ത വർഷമേ അത് ചൊവ്വയിലെത്തൂ. പക്ഷേ നമുക്ക് ചൊവ്വയിലേക്ക് ഇപ്പോൾത്തന്നെ പോവാൻ നാസ അവസരമൊരുക്കിയിരിക്കുകയാണ്. ചൊവ്വയുടെ മണ്ണിൽ കാൽകുത്താനുള്ള മനുഷ്യരുടെ ത്വരയെ നാസയ്ക്കു കാണാതിരിക്കാനാവില്ലല്ലോ. ചൊവ്വയിൽപ്പോവാൻ പേടിയുള്ളവർക്ക് ചൊവ്വയിലേക്കുള്ള വിക്ഷേപണം കാണാനും ഒബ്സർവേഷൻ സെന്ററിൽ ഇരുന്ന് വിക്ഷേപണത്തെ നിയന്ത്രിക്കാനും ഒക്കെ അവസരമുണ്ട്. കൊറോണ ആയതിനാൽ ആകെക്കൂടി ചെയ്യേണ്ടത് വീട്ടിലിരിക്കുക. എന്നിട്ട് നെറ്റിൽക്കയറി ദാ ഈ സൈറ്റ് തുറക്കുക. https://mars.nasa.gov/mars2020/participate/photo-booth/ അവിടെ നിങ്ങളുടെ ഫോട്ടോ അപ്‍ലോഡ് ചെയ്യുക. ഇഷ്ടമുള്ള പശ്ചാത്തലം തിരഞ്ഞെടുക്കുക. പെർസിവിയറൻസ് ചൊവ്വയിൽ എത്തുന്നതിനു മുന്നേതന്നെ അതിനൊപ്പം ഫോട്ടോയെടുക്കാൻ അവസരമൊരുങ്ങും! ങ്ങാ, പിന്നെ ഒരു കാര്യം കൂടി. പെർസിവിയറൻസിലേറി ചൊവ്വയിലെത്തുന്നത് ഒരു കോടി മനുഷ്യരുടെ പേരുകളും പേറിയാണ്. എല്ലാവരുടെ പേരും കൊത്തിയ ചെറിയ ചിപ്പുകൾ ഈ പേടകത്തിൽ ഉണ്ട്. അന്ന് അയയ്ക്കാൻ വിട്ടുപോയവർക്ക് 2026ലെ പേടകത്തിൽ വീണ്ടും ചൊവ്വയിലെത്താം. ആ ടിക്കറ്റി
Read more

ഇതാണു മക്കളേ ശുക്രന്റെ ഫോട്ടോ! ആറു മണിക്കൂര്‍ ക്യാമറ തുറന്നുവച്ച് എടുത്ത ഫോട്ടോ!

-
Image
ചിത്രത്തിനു കടപ്പാട്: NASA/MPE/K.Dennerl et al. ഈ ചിത്രം എന്താണെന്നറിയാമോ? ഇതാണു ശുക്രന്‍ എന്ന ഗ്രഹം! ങേ? ഞെട്ടിയോ? നാം ഇതുവരെ കണ്ട ശുക്രന്‍ ഇങ്ങനെയല്ലായിരുന്നല്ലോ എന്നാവും ചിന്ത! ശരിയാണ് നാം ഇതുവരെ കണ്ടിട്ടുള്ള ശുക്രന്റെ ചിത്രം ഇങ്ങനെയേ അല്ല! പക്ഷേ ഇതും ശുക്രന്റെ ചിത്രമാണ്. ആറ് മണിക്കൂര്‍ ക്യാമറയും തുറന്നുവച്ച് കഷ്ടപ്പെട്ട് എടുത്ത ചിത്രം! ബഹിരാകാശത്ത് നാസ സ്ഥാപിച്ചിട്ടുള്ള ചന്ദ്ര എക്സ്-റേ ഒബ്സര്‍വേറ്ററി എടുത്ത ചിത്രമാണിത്. എക്സ്-റേയെ മാത്രം കാണാന്‍ കഴിയുന്ന ഒരു ടെലിസ്കോപ്പാണ് ചന്ദ്ര-എക്സ്-റേ ഒബ്സര്‍വേറ്ററി. ഈ ടെലിസ്കോപ്പ് 2001 ജനുവരി 10, 13 തീയതികളില്‍ ശുക്രനെ നിരീക്ഷിച്ച് എടുത്ത ചിത്രമാണ് കുറെ ചെറിയ കുത്തു കുത്തുകള്‍ മാത്രമായി ഇപ്പോള്‍ കണ്ടത്. അതെന്താ അങ്ങനെ എന്നല്ലേ? സംഗതി ലളിതമാണ്. ശുക്രനില്‍നിന്നു വരുന്ന എക്സ്-റേ രശ്മികളെ മാത്രം ഉപയോഗിച്ചാണ് ഈ ഫോട്ടോ ഉണ്ടാക്കിയിരിക്കുന്നത്. ശുക്രനില്‍നിന്നും വരുന്ന എക്സ് രശ്മികളുടെ അളവ് വളരെ വളരെ കുറവും ആണ്. അതാണ് ആറു മണിക്കൂര്‍ ക്യാമറ തുറന്നുവച്ച് ഫോട്ടോയെടുത്തിട്ടും ഇത്രയും അപൂര്‍ണ്ണമെന്നു തോന്നിയ ഒരു ചിത്രം കിട്ടിയത്.
Read more

പൊടിക്കാറ്റ് - ഇൻസൈറ്റ് പ്രവർത്തനം അവസാനിപ്പിക്കുന്നു

-
Image
നാലുവർഷം നീണ്ട ഒറ്റ നിൽപ്പ്. നിന്ന നിൽപ്പിൽ ചെയ്തുകൂട്ടിയ പരാക്രമങ്ങൾ. എടുത്ത ഫോട്ടോകൾ. കേട്ടറിഞ്ഞ കുലുക്കങ്ങൾ... അങ്ങനെ ഒത്തിരിയുണ്ട് ഇൻസൈറ്റിനു പറയാൻ. പക്ഷേ നാലു വർഷത്തെ ഈ ദൗത്യത്തിന് അവസാനമാകുകയാണ്. ഇനിയൊരിക്കലും കണ്ണുതുറക്കാൻ കഴിയാത്തവിധം ഇൻസൈറ്റിലെ ഊർജ്ജോത്പാദനം നിലയ്ക്കുകയാണ്. 2018 നവംബറിലാണ് ഇൻസൈറ്റ് പേടകം ചൊവ്വയിലെത്തുന്നത്. Interior Exploration using Seismic Investigations, Geodesy and Heat Transport എന്നായിരുന്നു ഇദ്ദേഹത്തിന്റെ മുഴുവൻ പേര്. ചൊവ്വയും ഭൂമിയും ചന്ദ്രനുമെല്ലാം രൂപപ്പെട്ടത് ഏതാണ്ട് ഒരേ കാലയളവിൽ ആണെന്നാണ് കരുതുന്നത്. എന്നാൽ കാലാന്തരത്തിൽ ഇവരുടെ പരിണാമം വ്യത്യസ്തമായിരുന്നു. ഓരോ ഗോളവും വ്യത്യസ്തരീതിയിലായിരുന്നു സ്വന്തം ഉള്ളും അന്തരീക്ഷവും മാറ്റിക്കൊണ്ടിരുന്നത്. ഒരേ കാലഘട്ടത്തിൽ രൂപപ്പെട്ടിട്ടും എന്തുകൊണ്ടാണ് വ്യത്യസ്തരീതികളിൽ പരിണമിച്ചത് എന്ന ചോദ്യത്തിന് ഉത്തരം തേടിയാണ് ഇൻസൈറ്റ് ചൊവ്വയിലെത്തിയത്. അതിനായി ചൊവ്വയുടെ ഉള്ളിനെക്കുറിച്ച് ആഴത്തിൽ പഠിക്കണം. ഭൂകമ്പത്തിനു സമാനമായി ചൊവ്വയിലുണ്ടാകുന്ന കുലുക്കങ്ങളെക്കുറിച്ചു പഠിക്കണം. ചൊവ്വയുടെ ഉൾക്കാമ്പ്, മാന്റിൽ, പുറംപാളി എന്ന
Read more