N-SCIENCE

വാല്‍നക്ഷത്രം വരുന്നൂ... സാഹചര്യങ്ങള്‍ അനുയോജ്യമെങ്കില്‍ മേയില്‍ വെറും കണ്ണുകൊണ്ടു കാണാം! ചിത്രം: അറ്റ്‍ലസ് കോമറ്റ്. പച്ച നിറത്തില്‍ കാണുന്നത്. കടപ്പാട്: Rolando Ligustri (CARA Project, CAST) അറ്റ്‍ലസ് വാല്‍നക്ഷത്രം. 2019 ഡിസംബര്‍ 28നാണ് ഈ വാല്‍നക്ഷത്രത്തെ നാം കണ്ടെത്തുന്നത്. അന്നു മുതല്‍ ഉള്ള നിരീക്ഷണത്തില്‍ വാല്‍നക്ഷത്രത്തിന്റെ തിളക്കം കൂടിക്കൂടി വരിയാണ്. ഭാഗ്യമുണ്ടെങ്കില്‍ മേയ് മാസത്തില്‍ ഈ വാല്‍നക്ഷത്രം ആകാശത്തെ മറ്റൊരു മനോഹരകാഴ്ചയായി മാറും. C/2019 Y4 എന്നാണ് ഇതിന്റെ ഔദ്യോഗികപേര്. വിളിപ്പേര്  Comet ATLAS എന്നും. ഹവായിലുള്ള ഒരു റോബോട്ടിക് ആസ്ട്രോണിമിക്കല്‍ സര്‍വേ സിസ്റ്റം ആണ് ATLAS (Asteroid Terrestrial-impact Last Alert System). ഭൂമിക്കു ഭീഷണിയായേക്കാവുന്ന ഛിന്നഗ്രഹങ്ങളെയും ആകാശവസ്തുക്കളെയും കണ്ടെത്തലാണ് ഈ ടെലിസ്കോപ്പിക് കൂട്ടായ്മയുടെ ലക്ഷ്യം. അതുപയോഗിച്ച് കണ്ടെത്തിയ വാല്‍നക്ഷത്രം ആയതിനാലാണ് ഇതിന് ATLAS എന്ന പേര് ലഭിച്ചത്. 2019 ഡിസംബറില്‍ ഈ വാല്‍നക്ഷത്രത്തെ കണ്ടെത്തുമ്പോള്‍ അത് സപ്തര്‍ഷി എന്ന നക്ഷത്രഗണത്തില്‍ ആയിരുന്നു. വളരെ വളരെ മങ്ങിയ ഒരു പൊട്ടു മാത്രമായി...

അന്താരാഷ്ട്ര ബഹിരാകാശനിലയത്തെ ഇപ്പോള്‍ പലരും കണ്ടിരിക്കും. ഒരു ദിവസം 16തവണയാണ് നിലയം ഭൂമിക്കു ചുറ്റും കറങ്ങിയടിക്കുന്നത്. ഇത്രയും തവണ പോയിട്ടും എന്തുകൊണ്ടാണ് ചിലപ്പോള്‍ മാത്രം നിലയത്തെ കാണാന്‍ പറ്റുന്നത് എന്ന് ആലോചിച്ചുണ്ടോ? പല കാരണങ്ങളുണ്ട് ഇതിന്. ഒരു ദിവസംകൊണ്ട് 16 തവണയൊക്കെ കറങ്ങുമെങ്കിലും ഓരോ തവണയും ഭൂമിക്കു മുകളില്‍ പല ഇടത്തുകൂടെയാവും നിലയം കടന്നുപോവുക. ഭൂമിയുടെ കറക്കമാണ് ഇതിനു കാരണം. രണ്ടാമത്തെ കാരണംകൊണ്ടാണ് നിലയത്തെ നമുക്ക് പലപ്പോഴും കാണാന്‍ കഴിയാത്തത്. അതാണ് ലളിതമായ കാരണം. സൂര്യന്‍ അസ്തമിക്കുന്ന സമയത്തോ ഉദിക്കുന്ന സമയത്തോ മാത്രമേ നമുക്ക് നിലയത്തെ കാണാന്‍ പറ്റൂ. കാരണം ഫുട്ബോള്‍ സ്റ്റേഡിയത്തോളം വലിപ്പമുള്ള നിലയത്തിന്റെ സോളാര്‍പാനലുകളിലും മറ്റും വീഴുന്ന സൂര്യപ്രകാശം പ്രതിഫലിച്ച് നമ്മുടെ കണ്ണിലെത്തുമ്പോഴാണ് നാം ആ നിലയത്തെ കാണുക. അല്ലാതെ നിലയത്തിന്റെ ഉള്ളിലെ പ്രകാശമല്ല അത്! ഇനിയൊരു ചോദ്യം. ഒരു വലിയ മലയുടെ താഴ്‍വാരത്ത് ഒരാള്‍ നില്‍ക്കുന്നു. മറ്റൊരാള്‍ വളരെ ഉയരമുള്ള ആ മലയുടെ തുഞ്ചത്ത് നില്‍ക്കുന്നു. ആരാവും ഏറ്റവും അവസാനം അസ്തമയം കാണുക? ഒരു സംശയവും വേണ്ട മലയുടെ...

മാര്‍സ് 2020 ഇനി മുതല്‍ Perseverance! മാര്‍സ് 2020 എന്ന ചൊവ്വാദൗത്യത്തിന്റെ പേര് പ്രഖ്യാപിച്ചു. അലക്സാണ്ടര്‍ മാത്തര്‍ എന്ന പതിമൂന്നു വയസ്സുകാരന്‍ നിര്‍ദ്ദേശിച്ച പെര്‍സിവയറന്‍സ് (Perseverance )എന്ന പേരാണ് നാസ തിരഞ്ഞെടുത്തത്. വിര്‍ജിനീയയിലെ ലേക്ക് ബ്രഡോക് സെക്കന്‍ഡറി സ്കൂളിലെ ഏഴാം ഗ്രേഡര്‍ വിദ്യാര്‍ത്ഥിയാണ് അലക്സ്. നാസയുടെ സയന്‍സ് മിഷന്‍ ഡയറക്ടറേറ്റിലെ അസോസിയേറ്റ് അഡ്മിനിസ്ട്രേറ്റര്‍ ആയ തോമസ് സുര്‍ബുച്ചന്‍ ആണ് പേര് പ്രഖ്യാപിച്ചത്. Name the Rover മത്സരത്തില്‍ 28000 ത്തില്‍ അധികം എന്‍ട്രികളാണ് ലഭിച്ചത്. അതില്‍നിന്ന് അവസാനഘട്ടത്തിലേക്ക് Clarity, Courage, Endurance, Fortitude, Ingenuity, Perseverance, Promise, Tenacity, Vision എന്നീ പേരുകള്‍ നിര്‍ദ്ദേശിക്കപ്പെട്ടു. ഇതില്‍നിന്നാണ് അവസാനം Perseverance തിരഞ്ഞെടുക്കപ്പെട്ടത്. രണ്ടു വര്‍ഷം മുന്‍പ് വീഡിയോ ഗെയിമുകള്‍ കളിച്ചുനടന്നിരുന്ന കുട്ടിയായിരുന്നു അലക്സ്.  2018ല്‍ അല്‍ബാമയിലെ ഒരു സ്പേസ് ക്യാമ്പ് സന്ദര്‍ശിക്കാന്‍ അവസരം ലഭിച്ചു. അതായിരുന്നു വീഡിയോ ഗെയിമുകളില്‍നിന്ന് സ്പേസ് സയന്‍സിലേക്കുള്ള അലക്സിന്റെ വഴികാട്ടി. സ്പേസ് സയന്‍സി...

ആസ്ട്രേലിയയിലെ ആ ആന്റിന പണിമുടക്കുമ്പോള്‍ എന്തു സംഭവിക്കും? ആസ്ട്രേലിയയിലെ കാന്‍ബറയില്‍ ഉള്ള DSS43 എന്ന ഡിഷ് ആന്റിന. ചിത്രത്തിനു കടപ്പാട്: NASA/Canberra Deep Space Communication Complex ആസ്ട്രേലിയയിലെ കാന്‍ബറയിലാണ് ഡീപ് സ്പേസ് നെറ്റ്‍വര്‍ക്കിനായി ഉപയോഗിക്കാവുന്ന ഒരു റേഡിയോ ആന്റിന ഉള്ളത്. DSS43 എന്നാണ് ഇതിന്റെ പേര്. 70മീറ്ററോളം വലിപ്പമുള്ള ഒരു ഒറ്റ ഡിഷ്.  1700കോടി കിലോമീറ്റര്‍ അകലെയുള്ള വോയേജര്‍ 2 പേടകത്തിലേക്ക് സന്ദേശമയയ്ക്കാന്‍ കഴിയുന്ന ഏക ആന്റിനയാണിത്. അന്‍പതു വര്‍ഷത്തോളം പഴക്കമുണ്ട് ഇതിലെ പല ഉപകരണങ്ങള്‍ക്കും സാങ്കേതികവിദ്യകള്‍ക്കും. 48 വര്‍ഷമായി ഈ ആന്റിന പ്രവര്‍ത്തിച്ചുവരുന്നു. ഇത്രയും വലിയ ഡീപ് സ്പേസ് നെറ്റ്‍വര്‍ക്ക് ആന്റിനകള്‍ പിന്നെയുള്ളത് കാലിഫോര്‍ണിയയിലും സ്പെയിനിലും ആണ്. പക്ഷേ ഇവ ഉപയോഗിച്ച് വോയേജര്‍ 2 മായി ബന്ധപ്പെടാന്‍ കഴിയില്ല എന്നു മാത്രം. വോയേജര്‍ 2 പേടകത്തിലേക്കുള്ള ആശയവിനിമയം മാത്രമല്ല ഈ ഡീപ് സ്പേസ് നെറ്റ്‍വര്‍ക്ക് ആന്റിനയുടെ ജോലി. അതുകൊണ്ടുതന്നെ ഇതിലെ സാങ്കേതികവിദ്യകളും ഉപകരണങ്ങളും പുതുക്കേണ്ടി വന്നിരിക്കുകയാണ്. അപ്ഗ്രേഡ് ചെയ്യാതെ ഇനിയും ഈ ആന്റിനയ്ക്ക് മുന്നോട...

1977 ആഗസ്റ്റ് 15. അമേരിക്കയിലെ ഒഹിയോ സര്‍വകലാശാലയുടെ ബിഗ് ഇയര്‍ റേഡിയോ ടെലിസ്കോപ്പില്‍ ബഹിരാകാശത്തുനിന്ന് ഒരു സിഗ്നല്‍ ലഭിച്ചു. 72 സെക്കന്‍ഡോളം നീണ്ടുനിന്ന ഒരു റേഡിയോ സിഗ്നല്‍. ധനു രാശിയില്‍നിന്നായിരുന്നു ഈ റേഡിയോ സിഗ്നല്‍. കുറച്ചുദിവസങ്ങള്‍ക്കു ശേഷമാണ് ജ്യോതിശാസ്ത്രജ്ഞനായ ജെറി ആര്‍ എയ്‍മാന്‍ ഈ സിഗ്നലിനെക്കുറിച്ച് കൂടുതല്‍ പഠിച്ചത്. മനുഷ്യരാരും അയയ്ക്കാന്‍ സാധ്യതയില്ലാത്ത തരത്തിലുള്ള ഒരു സിഗ്നല്‍. അതിന്റെ കമ്പ്യൂട്ടര്‍പ്രിന്റൗട്ട് എടുത്ത ജെറി ശരിക്കും ഞെട്ടി. സാധാരണ ബഹിരാകാശത്തുനിന്ന് കിട്ടുന്ന റേഡിയോ സിഗ്നല്‍പോലെ അല്ല അത്. അല്പം വ്യത്യസ്തമാണ്. ഒരുപക്ഷേ ഭൂമിക്കു പുറത്തുള്ള ഏതെങ്കിലും വികസിതസമൂഹം അയച്ച ഒരു സിഗ്നല്‍ ആയിക്കൂടേ അത്? ആ കമ്പ്യൂട്ടര്‍ പ്രിന്റൗട്ടിന്റെ അരികില്‍ അദ്ദേഹം Wow! എന്ന് കൈകൊണ്ട് എഴുതിയിട്ടു. Wow! എന്നെഴുതിയ പേപ്പര്‍ അന്യഗ്രഹജീവികളെക്കുറിച്ച് അന്വേഷിക്കുമ്പോഴെല്ലാം മുന്നില്‍ വരുന്ന ഒരു ചിത്രമാണ് Wow! എന്ന് രേഖപ്പെടുത്തിയ ആ കമ്പ്യൂട്ടര്‍പ്രിന്റൗട്ട്. ഇതുവരെ കൃത്യമായ ഒരു വിശദീകരണം ഈ സിഗ്നലിനെക്കുറിച്ച് ലഭിച്ചിട്ടില്ല. ഭൂമിയില്‍നിന്ന് ആരെങ്കിലും അയച്ച സിഗ്...

ചൊവ്വയിലും ലീപ്പ് ഇയര്‍! ഫെബ്രുവരി 29 ജന്മദിനം ഉള്ളവരുടെ കാര്യം കഷ്ടമാണല്ലോ. നാലു വര്‍ഷത്തിലൊരിക്കലല്ലേ ജന്മദിനം ആഘോഷിക്കാന്‍ പറ്റൂ. നാലു വര്‍ഷത്തിലൊരിക്കല്‍ ഫെബ്രുവരിയില്‍ ഒരു ദിവസം കൂട്ടിച്ചേര്‍ത്താണ് കലണ്ടര്‍ ഉണ്ടാക്കുക. അധിവര്‍ഷം, ലീപ്പ് ഇയര്‍ എന്നൊക്കെയാണ് ഈ വര്‍ഷത്തെ വിളിക്കുക! ഇങ്ങനെ ലീപ്പ് ഇയര്‍ ഭൂമിക്കുമാത്രമല്ല ഉള്ളത് ചൊവ്വയ്ക്കും ഉണ്ട് ലീപ്പ് ഇയര്‍! അതെങ്ങനെ എന്നു പറയുന്നതിനു മുന്‍പ് ഈ ലീപ്പ് ഇയര്‍ എന്താണ് എന്നൊന്ന് നോക്കിക്കളയാം! ഭൂമിയുടെ ഒരു വര്‍ഷം. കടപ്പാട്: NASA/JPL-Caltech ഭൂമിക്ക് സൂര്യനു ചുറ്റും കറങ്ങിയെത്താന്‍ 365.25 ദിവസം വേണം. കലണ്ടറിന്റെ സൗകര്യത്തിനായി നമ്മള്‍ 365 ദിവസമേ പരിഗണിക്കൂ. പക്ഷേ നാലു വര്‍ഷം കൂടുമ്പോള്‍ നാല് കാല്‍ദിവസം കൂടിച്ചേര്‍ന്ന് ഒരു ദിവസം ആവും. അപ്പോള്‍ കാലഗണന തെറ്റാതിരിക്കാന്‍ കലണ്ടറില്‍ ഒരു ദിവസം കൂട്ടിച്ചേര്‍ക്കും.  അങ്ങനെയാണ് നമ്മുടെ ഫെബ്രുവരി 29 വരുന്നത്. ഇനി ചൊവ്വയിലേക്കു യാത്രയാവാം. ചൊവ്വയിലെ ദിവസത്തിന് സോള്‍ എന്നാണു പറയുക. 668.6 സോള്‍ വേണം ചൊവ്വയ്ക്ക് സൂര്യനെ ഒന്നു ചുറ്റിവരാന്‍! ചൊവ്വയിലെ ഒരു വര്‍ഷം പക്ഷേ 668ദിവസമായിട്ടാണ്...