മാര്‍സ് 2020 ഇനി മുതല്‍ Perseverance!

-




മാര്‍സ് 2020 ഇനി മുതല്‍ Perseverance!മാര്‍സ് 2020 എന്ന ചൊവ്വാദൗത്യത്തിന്റെ പേര് പ്രഖ്യാപിച്ചു. അലക്സാണ്ടര്‍ മാത്തര്‍ എന്ന പതിമൂന്നു വയസ്സുകാരന്‍ നിര്‍ദ്ദേശിച്ച പെര്‍സിവയറന്‍സ് (Perseverance )എന്ന പേരാണ് നാസ തിരഞ്ഞെടുത്തത്. വിര്‍ജിനീയയിലെ ലേക്ക് ബ്രഡോക് സെക്കന്‍ഡറി സ്കൂളിലെ ഏഴാം ഗ്രേഡര്‍ വിദ്യാര്‍ത്ഥിയാണ് അലക്സ്.

നാസയുടെ സയന്‍സ് മിഷന്‍ ഡയറക്ടറേറ്റിലെ അസോസിയേറ്റ് അഡ്മിനിസ്ട്രേറ്റര്‍ ആയ തോമസ് സുര്‍ബുച്ചന്‍ ആണ് പേര് പ്രഖ്യാപിച്ചത്. Name the Rover മത്സരത്തില്‍ 28000 ത്തില്‍ അധികം എന്‍ട്രികളാണ് ലഭിച്ചത്. അതില്‍നിന്ന് അവസാനഘട്ടത്തിലേക്ക് Clarity, Courage, Endurance, Fortitude, Ingenuity, Perseverance, Promise, Tenacity, Vision എന്നീ പേരുകള്‍ നിര്‍ദ്ദേശിക്കപ്പെട്ടു. ഇതില്‍നിന്നാണ് അവസാനം Perseverance തിരഞ്ഞെടുക്കപ്പെട്ടത്.



രണ്ടു വര്‍ഷം മുന്‍പ് വീഡിയോ ഗെയിമുകള്‍ കളിച്ചുനടന്നിരുന്ന കുട്ടിയായിരുന്നു അലക്സ്.  2018ല്‍ അല്‍ബാമയിലെ ഒരു സ്പേസ് ക്യാമ്പ് സന്ദര്‍ശിക്കാന്‍ അവസരം ലഭിച്ചു. അതായിരുന്നു വീഡിയോ ഗെയിമുകളില്‍നിന്ന് സ്പേസ് സയന്‍സിലേക്കുള്ള അലക്സിന്റെ വഴികാട്ടി. സ്പേസ് സയന്‍സിനോടും റോക്കറ്റുകളോടും ഉള്ള അവന്റെ ആ സ്ഥിരോത്സാഹം. അതാണ് പതിമൂന്നാമത്തെ വയസ്സില്‍ ഒരു ചൊവ്വാദൗത്യത്തിനു പേരിട്ട വിദ്യാര്‍ത്ഥി എന്ന ബഹുമതി അലക്സിനെ തേടിയെത്താന്‍ കാരണം.

മിക്കവാറും ഈ വര്‍ഷം ജൂലൈയിലാവും പെര്‍സിവയറന്‍സിന്റെ വിക്ഷേപണം. 2021 ഫെബ്രുവരി 18ന് പെര്‍സിവയറന്‍സ് ചൊവ്വയില്‍ ഇറങ്ങും. ആറു ചക്രങ്ങളുള്ള വലിയൊരു പരീക്ഷണശാലയാണ് പെര്‍സിവയറന്‍സ്. 1043കിലോ ഭാരം വരുന്ന ഒരു വാഹനം!

പെര്‍സിവയറന്‍സ് ചൊവ്വയില്‍. ചിത്രകാരഭാവന.
കടപ്പാട്: NASA/JPL-Caltech

പാത്ത്ഫൈന്‍ഡര്‍, സ്പിരിറ്റ്, ഓപ്പര്‍ച്യുണിറ്റി, ക്യൂരിയോസിറ്റി എന്നിവയാണ് ഇതിനു മുന്‍പ് ചൊവ്വയിലേക്ക് അയച്ച റോവറുകള്‍. ഇതില്‍ ക്യൂരിയോസിറ്റി ഇപ്പോഴും പൂര്‍ണ്ണമായും പ്രവര്‍ത്തനനിരതമാണ്. ഈ പേരുകള്‍പോലെ തന്നെ മനോഹരവും അര്‍ത്ഥപൂര്‍ണ്ണവും ആയ പേരാണ് പെര്‍സിവയറന്‍സ് എന്നാണ് വിലയിരുത്തല്‍. പേരുപോലെ തന്നെ സ്ഥിരോത്സാഹിയാവും ഈ റോവര്‍!
ചൊവ്വയില്‍ പണ്ട് ജീവന്‍ ഉണ്ടായിരുന്നോ എന്ന് കണ്ടെത്തലാണ് മാര്‍സ് 2020യുടെ പ്രധാന ദൗത്യം. കൂടാതെ ചൊവ്വയില്‍ മനുഷ്യര്‍ താമസിക്കാന്‍ ചെല്ലുമ്പോള്‍ സ്വീകരിക്കേണ്ട മുന്‍കരുതലുകളെക്കുറിച്ചു വിവരം തരാനും പെര്‍സിവയറന്‍സിന് ആകും. ചൊവ്വയിലെ ജെസീറോ ക്രേറ്ററിലാവും പെര്‍സിവയറന്‍സ് ഇറങ്ങുക. 687 ചൊവ്വാദിവസങ്ങള്‍ ഏറ്റവും ചുരുങ്ങിയത് പെര്‍സിവയറന്‍സ് പ്രവര്‍ത്തനനിരതമായിരിക്കും.

---നവനീത്...

ഇനി പെര്‍സിവയറന്‍സിനെക്കുറിച്ചുള്ള ഒരു വീഡിയോ കാണാം.



Comments

Post a Comment

Popular posts from this blog

എങ്ങനെ നിങ്ങൾക്കും ചൊവ്വയിലിറങ്ങി ഫോട്ടോയെടുക്കാം. ഇതാ അവസരം!

-
Image
ചൊവ്വയിലേക്ക് പെർസിവയരൻസ് എന്ന വാഹനം പോകുന്നത് അടുത്ത മാസമാണ്. പിന്നെയും മാസങ്ങൾ കഴിഞ്ഞ് അടുത്ത വർഷമേ അത് ചൊവ്വയിലെത്തൂ. പക്ഷേ നമുക്ക് ചൊവ്വയിലേക്ക് ഇപ്പോൾത്തന്നെ പോവാൻ നാസ അവസരമൊരുക്കിയിരിക്കുകയാണ്. ചൊവ്വയുടെ മണ്ണിൽ കാൽകുത്താനുള്ള മനുഷ്യരുടെ ത്വരയെ നാസയ്ക്കു കാണാതിരിക്കാനാവില്ലല്ലോ. ചൊവ്വയിൽപ്പോവാൻ പേടിയുള്ളവർക്ക് ചൊവ്വയിലേക്കുള്ള വിക്ഷേപണം കാണാനും ഒബ്സർവേഷൻ സെന്ററിൽ ഇരുന്ന് വിക്ഷേപണത്തെ നിയന്ത്രിക്കാനും ഒക്കെ അവസരമുണ്ട്. കൊറോണ ആയതിനാൽ ആകെക്കൂടി ചെയ്യേണ്ടത് വീട്ടിലിരിക്കുക. എന്നിട്ട് നെറ്റിൽക്കയറി ദാ ഈ സൈറ്റ് തുറക്കുക. https://mars.nasa.gov/mars2020/participate/photo-booth/ അവിടെ നിങ്ങളുടെ ഫോട്ടോ അപ്‍ലോഡ് ചെയ്യുക. ഇഷ്ടമുള്ള പശ്ചാത്തലം തിരഞ്ഞെടുക്കുക. പെർസിവിയറൻസ് ചൊവ്വയിൽ എത്തുന്നതിനു മുന്നേതന്നെ അതിനൊപ്പം ഫോട്ടോയെടുക്കാൻ അവസരമൊരുങ്ങും! ങ്ങാ, പിന്നെ ഒരു കാര്യം കൂടി. പെർസിവിയറൻസിലേറി ചൊവ്വയിലെത്തുന്നത് ഒരു കോടി മനുഷ്യരുടെ പേരുകളും പേറിയാണ്. എല്ലാവരുടെ പേരും കൊത്തിയ ചെറിയ ചിപ്പുകൾ ഈ പേടകത്തിൽ ഉണ്ട്. അന്ന് അയയ്ക്കാൻ വിട്ടുപോയവർക്ക് 2026ലെ പേടകത്തിൽ വീണ്ടും ചൊവ്വയിലെത്താം. ആ ടിക്കറ്റി
Read more

ഇതാണു മക്കളേ ശുക്രന്റെ ഫോട്ടോ! ആറു മണിക്കൂര്‍ ക്യാമറ തുറന്നുവച്ച് എടുത്ത ഫോട്ടോ!

-
Image
ചിത്രത്തിനു കടപ്പാട്: NASA/MPE/K.Dennerl et al. ഈ ചിത്രം എന്താണെന്നറിയാമോ? ഇതാണു ശുക്രന്‍ എന്ന ഗ്രഹം! ങേ? ഞെട്ടിയോ? നാം ഇതുവരെ കണ്ട ശുക്രന്‍ ഇങ്ങനെയല്ലായിരുന്നല്ലോ എന്നാവും ചിന്ത! ശരിയാണ് നാം ഇതുവരെ കണ്ടിട്ടുള്ള ശുക്രന്റെ ചിത്രം ഇങ്ങനെയേ അല്ല! പക്ഷേ ഇതും ശുക്രന്റെ ചിത്രമാണ്. ആറ് മണിക്കൂര്‍ ക്യാമറയും തുറന്നുവച്ച് കഷ്ടപ്പെട്ട് എടുത്ത ചിത്രം! ബഹിരാകാശത്ത് നാസ സ്ഥാപിച്ചിട്ടുള്ള ചന്ദ്ര എക്സ്-റേ ഒബ്സര്‍വേറ്ററി എടുത്ത ചിത്രമാണിത്. എക്സ്-റേയെ മാത്രം കാണാന്‍ കഴിയുന്ന ഒരു ടെലിസ്കോപ്പാണ് ചന്ദ്ര-എക്സ്-റേ ഒബ്സര്‍വേറ്ററി. ഈ ടെലിസ്കോപ്പ് 2001 ജനുവരി 10, 13 തീയതികളില്‍ ശുക്രനെ നിരീക്ഷിച്ച് എടുത്ത ചിത്രമാണ് കുറെ ചെറിയ കുത്തു കുത്തുകള്‍ മാത്രമായി ഇപ്പോള്‍ കണ്ടത്. അതെന്താ അങ്ങനെ എന്നല്ലേ? സംഗതി ലളിതമാണ്. ശുക്രനില്‍നിന്നു വരുന്ന എക്സ്-റേ രശ്മികളെ മാത്രം ഉപയോഗിച്ചാണ് ഈ ഫോട്ടോ ഉണ്ടാക്കിയിരിക്കുന്നത്. ശുക്രനില്‍നിന്നും വരുന്ന എക്സ് രശ്മികളുടെ അളവ് വളരെ വളരെ കുറവും ആണ്. അതാണ് ആറു മണിക്കൂര്‍ ക്യാമറ തുറന്നുവച്ച് ഫോട്ടോയെടുത്തിട്ടും ഇത്രയും അപൂര്‍ണ്ണമെന്നു തോന്നിയ ഒരു ചിത്രം കിട്ടിയത്.
Read more

പൊടിക്കാറ്റ് - ഇൻസൈറ്റ് പ്രവർത്തനം അവസാനിപ്പിക്കുന്നു

-
Image
നാലുവർഷം നീണ്ട ഒറ്റ നിൽപ്പ്. നിന്ന നിൽപ്പിൽ ചെയ്തുകൂട്ടിയ പരാക്രമങ്ങൾ. എടുത്ത ഫോട്ടോകൾ. കേട്ടറിഞ്ഞ കുലുക്കങ്ങൾ... അങ്ങനെ ഒത്തിരിയുണ്ട് ഇൻസൈറ്റിനു പറയാൻ. പക്ഷേ നാലു വർഷത്തെ ഈ ദൗത്യത്തിന് അവസാനമാകുകയാണ്. ഇനിയൊരിക്കലും കണ്ണുതുറക്കാൻ കഴിയാത്തവിധം ഇൻസൈറ്റിലെ ഊർജ്ജോത്പാദനം നിലയ്ക്കുകയാണ്. 2018 നവംബറിലാണ് ഇൻസൈറ്റ് പേടകം ചൊവ്വയിലെത്തുന്നത്. Interior Exploration using Seismic Investigations, Geodesy and Heat Transport എന്നായിരുന്നു ഇദ്ദേഹത്തിന്റെ മുഴുവൻ പേര്. ചൊവ്വയും ഭൂമിയും ചന്ദ്രനുമെല്ലാം രൂപപ്പെട്ടത് ഏതാണ്ട് ഒരേ കാലയളവിൽ ആണെന്നാണ് കരുതുന്നത്. എന്നാൽ കാലാന്തരത്തിൽ ഇവരുടെ പരിണാമം വ്യത്യസ്തമായിരുന്നു. ഓരോ ഗോളവും വ്യത്യസ്തരീതിയിലായിരുന്നു സ്വന്തം ഉള്ളും അന്തരീക്ഷവും മാറ്റിക്കൊണ്ടിരുന്നത്. ഒരേ കാലഘട്ടത്തിൽ രൂപപ്പെട്ടിട്ടും എന്തുകൊണ്ടാണ് വ്യത്യസ്തരീതികളിൽ പരിണമിച്ചത് എന്ന ചോദ്യത്തിന് ഉത്തരം തേടിയാണ് ഇൻസൈറ്റ് ചൊവ്വയിലെത്തിയത്. അതിനായി ചൊവ്വയുടെ ഉള്ളിനെക്കുറിച്ച് ആഴത്തിൽ പഠിക്കണം. ഭൂകമ്പത്തിനു സമാനമായി ചൊവ്വയിലുണ്ടാകുന്ന കുലുക്കങ്ങളെക്കുറിച്ചു പഠിക്കണം. ചൊവ്വയുടെ ഉൾക്കാമ്പ്, മാന്റിൽ, പുറംപാളി എന്ന
Read more