അന്താരാഷ്ട്ര ബഹിരാകാശ നിലയം ആഗസ്റ്റ് മാസത്തിലും കാണാം | International Space Station - August 2020 Kerala

-
മൂന്ന് യാത്രികരുമായി ഭൂമിയെ നിരന്തരം ചുറ്റിക്കൊണ്ടിരിക്കുന്ന അന്താരാഷ്ട്ര ബഹിരാകാശനിലയം കാണാൻ ആഗസ്റ്റ് മാസത്തിലും കേരളത്തിൽ അവസരം.



ആഗസ്റ്റ് 11
ഏറ്റവും മികച്ച രീതിയിൽ കാണാൻ കഴിയുന്ന ദിവസം. സമയം വൈകിട്ട് 7.30. നാലു മിനിറ്റാണ് അന്ന് നിലയം കാണാനാവുക. വടക്കുപടിഞ്ഞാറായി ( 19ഡിഗ്രി ഉയരത്തിൽ) കണ്ടുതുടങ്ങുന്ന നിലയം 83ഡിഗ്രിവരെ ഉയരത്തിലെത്തും. ഏതാണ്ട് തലയ്ക്കു മുകളിലൂടെ കടന്നുപോകും എന്നർത്ഥം. ശേഷം തെക്കു ദിക്കിലായി (21ഡിഗ്രിയിൽ) അസ്തമിക്കുകയും ചെയ്യും.

ആഗസ്റ്റ് 18നും മോശമല്ലാതെ കാണാം. അന്ന് പക്ഷേ രാവിലെ 5.37നാണ് നിലയം കണ്ടുതുടങ്ങുന്നത്. തെക്കുദിക്കിൽ ചക്രവാളത്തോട് ചേർന്ന് കണ്ടുതുടങ്ങുന്ന നിലയം 57ഡിഗ്രിവരെ ഉയരത്തിലെത്തും. പിന്നീട് കിഴക്കുദിക്കിലായി(36ഡിഗ്രി ഉയരത്തിൽ) അസ്തമിക്കും.

ആഗസ്റ്റ് 8, 9, 10, 13, 16, 19 എന്നീ തീയതികളിലും നിലയം കാണാം. എന്നാൽ കാണാൻ കഴിയുന്ന സമയം കുറവായിരിക്കും. മാത്രമല്ല അധികം ഉയരത്തിൽ എത്തുകയും ഇല്ല. ചുറ്റുപാടും മരങ്ങളും തടസ്സങ്ങളും ഒന്നുമില്ലാത്ത ഇടത്താണെങ്കിൽ ഈ ദിവസങ്ങളിലെ കാഴ്ചയും നന്നായി ആസ്വദിക്കാനാവും.

Chris Cassidy, Anatoly Ivanishin, Ivan Vagner എന്നിങ്ങനെ മൂന്നു താമസക്കാരാണ് ഇപ്പോൾ നിലയത്തിലുള്ളത്. കഴിഞ്ഞ ദിവസമാണ് രണ്ടുപേർ തിരികെ ഭൂമിയിലേക്ക് എത്തിയത്. ഏതാണ്ട് 400കിലോമീറ്ററോളം ഉയരത്തിലൂടെയാണ് ഒരു ഫുട്ബോൾ മൈതാനത്തിന്റെ വലിപ്പമുള്ള ഈ നിലയം ഭൂമിയെ ചുറ്റിക്കറങ്ങുന്നത്. നിലയത്തിന്റെ വലിയ സോളാർപാനലുകളിൽ സൂര്യപ്രകാശം വീണ് പ്രതിഫലിച്ച് ഭൂമിയിലെത്തുമ്പോഴാണ് നമുക്ക് നിലയത്തെ കാണാനാവുന്നത്. സന്ധ്യയ്ക്കുശേഷവും പ്രഭാതത്തിനു മുൻപുമാണ് നിലയത്തെ ഇങ്ങനെ കാണാനാവുക.

(ആഗസ്റ്റ് 19വരെയുള്ള സമയക്രമമാണ് ഇപ്പോൾ ഉള്ളത്. അതിനുശേഷമുള്ള ദിവസങ്ങളിലേത് പിന്നീട് കൂട്ടിച്ചേർക്കുന്നതാണ്.)

---നവനീത്...

Comments

Post a Comment

Popular posts from this blog

എങ്ങനെ നിങ്ങൾക്കും ചൊവ്വയിലിറങ്ങി ഫോട്ടോയെടുക്കാം. ഇതാ അവസരം!

-
Image
ചൊവ്വയിലേക്ക് പെർസിവയരൻസ് എന്ന വാഹനം പോകുന്നത് അടുത്ത മാസമാണ്. പിന്നെയും മാസങ്ങൾ കഴിഞ്ഞ് അടുത്ത വർഷമേ അത് ചൊവ്വയിലെത്തൂ. പക്ഷേ നമുക്ക് ചൊവ്വയിലേക്ക് ഇപ്പോൾത്തന്നെ പോവാൻ നാസ അവസരമൊരുക്കിയിരിക്കുകയാണ്. ചൊവ്വയുടെ മണ്ണിൽ കാൽകുത്താനുള്ള മനുഷ്യരുടെ ത്വരയെ നാസയ്ക്കു കാണാതിരിക്കാനാവില്ലല്ലോ. ചൊവ്വയിൽപ്പോവാൻ പേടിയുള്ളവർക്ക് ചൊവ്വയിലേക്കുള്ള വിക്ഷേപണം കാണാനും ഒബ്സർവേഷൻ സെന്ററിൽ ഇരുന്ന് വിക്ഷേപണത്തെ നിയന്ത്രിക്കാനും ഒക്കെ അവസരമുണ്ട്. കൊറോണ ആയതിനാൽ ആകെക്കൂടി ചെയ്യേണ്ടത് വീട്ടിലിരിക്കുക. എന്നിട്ട് നെറ്റിൽക്കയറി ദാ ഈ സൈറ്റ് തുറക്കുക. https://mars.nasa.gov/mars2020/participate/photo-booth/ അവിടെ നിങ്ങളുടെ ഫോട്ടോ അപ്‍ലോഡ് ചെയ്യുക. ഇഷ്ടമുള്ള പശ്ചാത്തലം തിരഞ്ഞെടുക്കുക. പെർസിവിയറൻസ് ചൊവ്വയിൽ എത്തുന്നതിനു മുന്നേതന്നെ അതിനൊപ്പം ഫോട്ടോയെടുക്കാൻ അവസരമൊരുങ്ങും! ങ്ങാ, പിന്നെ ഒരു കാര്യം കൂടി. പെർസിവിയറൻസിലേറി ചൊവ്വയിലെത്തുന്നത് ഒരു കോടി മനുഷ്യരുടെ പേരുകളും പേറിയാണ്. എല്ലാവരുടെ പേരും കൊത്തിയ ചെറിയ ചിപ്പുകൾ ഈ പേടകത്തിൽ ഉണ്ട്. അന്ന് അയയ്ക്കാൻ വിട്ടുപോയവർക്ക് 2026ലെ പേടകത്തിൽ വീണ്ടും ചൊവ്വയിലെത്താം. ആ ടിക്കറ്റി...
Read more

സൂഷ്മലോകത്തിലേക്കുള്ള മൂന്നാം കണ്ണ് - മൈക്രോസ്കോപ്പ് എന്ന സൂഷ്മദര്‍ശിനി

-
Image
സൂഷ്മലോകത്തിലേക്കുള്ള മൂന്നാം കണ്ണ് -  മൈക്രോസ്കോപ്പ് പുല്‍ക്കൊടിത്തുമ്പില്‍ നില്‍ക്കുന്ന വെള്ളത്തുള്ളിയായിരിക്കണം ഒരു പക്ഷേ മനുഷ്യന്‍ കണ്ട ആദ്യ സൂഷ്മദര്‍ശിനി. ഇലയുടെ കുറച്ചുകൂടി വലിയ ചിത്രം ആ ജലത്തുള്ളി കാണിച്ചുകൊടുത്തിട്ടുണ്ടാവണം. ഏറ്റവും ലളിതമായ മൈക്രോസ്കോപ്പാണിത്. ഒരു ചില്ലിന്‍മേല്‍ ഒരു വെള്ളത്തുള്ളി വച്ച് നിങ്ങള്‍ക്കും ഈ ലളിതമായ മൈക്രോസ്കോപ്പ് നിര്‍മ്മിക്കാവുന്നതാണ്. ആരാണ് ആദ്യമൈക്രോസ്കോപ്പ് നിര്‍മ്മിച്ചത് എന്ന് ചോദിച്ചാല്‍ ഉത്തരം പറയാന്‍ ബുദ്ധിമുട്ടാണ്. കാരണം ഒരു ലെന്‍സ് മാത്രം ഉപയോഗിച്ച് ഒരു വസ്തുവിനെ നിരീക്ഷിച്ചാല്‍ ആ സംവിധാനത്തെ ഒരു മൈക്രോസ്കോപ്പ് എന്ന് വിളിക്കാം. രണ്ട് ലെന്‍സുകള്‍ ഉപയോഗിച്ച് വസ്തുക്കളെ കൂടുതല്‍ വലുതാക്കി കാണിക്കുന്ന കോംപൌണ്ട് മൈക്രോസ്കോപ്പ് എന്ന സംവിധാനം നിര്‍മ്മിച്ചത് ആരാണ് എന്നതു പോലും ഇന്ന് തര്‍ക്കവിഷയമാണ്. ഹാന്‍സ് ലിപ്പര്‍ഷെ, സക്കറിയാസ് ജാന്‍സണ്‍ എന്ന് തുടങ്ങി ഗലീലിയോ ഗലീലി വരെ ഈ പട്ടികയിലുണ്ട്. മൈക്രോസ്കോപ്പിന്റെ നിര്‍മ്മാണത്തില്‍ ഏറ്റവും പ്രധാനം ലെന്‍സുകളാണ്. പ്രകാശത്തെ ആവശ്യാനുസരണം നിയന്ത്രിച്ച് ഒരു വസ്തുവിന്റെ വലിപ്പമേറിയ പ്രതിബിംബം രൂപപ്പെടുത്തിയ...
Read more

റിഗോലിത്ത് - ചന്ദ്രനിലെ മണ്ണിന്റെ കഥ - story of regolith

-
Image
  ചില ചന്ദ്രകാര്യങ്ങൾ ------------------- ഒരു പൊടിക്കഥ -------------- അപ്പോളോ യാത്രികർ ചന്ദ്രനിലിറങ്ങിയ സമയത്ത് അവർ അപ്രതീക്ഷിതമായ ചില വെല്ലുവിളികളെ നേരിട്ടു. അവരുടെ സ്പേസ് സ്യൂട്ടിൽ പറ്റിയ ചന്ദ്രനിലെ മണ്ണ് അത്രവേഗമൊന്നും സ്യൂട്ടിൽനിന്നു പോകുന്നില്ല! സ്യൂട്ടിലും പേടകത്തിലുമൊക്കെ അത് പെട്ടെന്ന് ഒട്ടിപ്പിടിക്കുന്നു! നമ്മൾ സ്കെയിൽ തലമുടിയിൽ ഉരച്ച് കുഞ്ഞു കടലാസുകഷണങ്ങളെ ഉയർത്താറില്ലേ. അതുപോലെ ഒരു പ്രശ്നമായിരുന്നു ഈ അമ്പിളിമണ്ണും ഉയർത്തിയത്. കാലാകാലങ്ങളായി സൂര്യപ്രകാശമേറ്റു കിടന്നിരുന്ന ചന്ദ്രന്റെ മേൽമണ്ണിന് അല്പം വൈദ്യുതചാർജ്ജ് ഉണ്ടായിരുന്നു. സ്പേസ് സ്യൂട്ടിലും മറ്റും ചന്ദ്രന്റെ മണ്ണ് ഒട്ടിപ്പിടിക്കാനുള്ള കാരണങ്ങളിലൊന്നും ഈ വൈദ്യുതചാർജ്ജായിരുന്നു! ചന്ദ്രനിലിറങ്ങിയ പന്ത്രണ്ടു യാത്രികരും ഈ പ്രശ്നം റിപ്പോർട്ടു ചെയ്തിരുന്നു. ഇനി ആർട്ടിമിസ് ദൗത്യത്തിലൂടെ ചന്ദ്രനിലിറങ്ങാൻ പോകുന്നവരും ഇതേ പ്രശ്നത്തെ മറികടക്കേണ്ടിവരും! ചന്ദ്രയാൻ മൂന്നിൽ ചന്ദ്രനിലെത്തുന്ന റോവറിനും ലാൻഡറിനും ചന്ദ്രമണ്ണ് ഇതേ പ്രശ്നം സൃഷ്ടിക്കാനുള്ള സാധ്യതയും തള്ളിക്കളയേണ്ടതില്ല! വെറും ഒട്ടിപ്പിടിക്കൽ മാത്രമായിരുന്നെങ്കിൽ സഹിക്ക...
Read more